Ветеринария

Ветеринария бойынша 2018 жылдың 2 тоқсанына ақпарат

Аудандық ветеринария бөлімімен жүктелген аумақтың ветеринариялық-санитариялық әл-ауқатын қамтамасыз ету және жануарлар мен адам үшін ортақ аурулардан халық денсаулығын қорғау бойынша іс-шаралар қолданылуда.
Ауданда 2018 жылға эпизоотияға қарсы іс-шаралар жүргізу, ветеринарлық дәрі-дәрмектер сақтау, егу жұмыстары және серологиялық зерттеулер жүргізуге жергілікті бюджеттен 41 068 000 млн. теңге қаражат бөлінген.
2018 жылға аса қауіпті энзоотиялық және эпизоотиялық аурулар алдын алу ветеринариялық іс – шаралар жоспары бекітіліп жұмыс жасалуда.
Ауыл шаруашылық жануарларының аса қауіпті ауруларына қарсы егу жұмыстары уақытылы жүргізілуде.
Адам және жануарлар өміріне қауіпті аурулардан ауданымызда көп кездесетін ауыл шаруашылық жануарларының сарып ауруы. Ауруды анықтау мақсатында ауданда жыл сайын ветеринариялық зертханамен ауыл шаруашылық жануарларына жоспарлы зерттеулер жүргізіледі. Ауылдық округтерге бөлгенде сарып ауруына зерттеуге жоспар бойынша ІҚМ - 37300 бас, ІҚМ төлдері 4-6 ай -11140 бас, ҰММ – 61400 бас. Ағымдағы жылдың басынан ІҚМ – 22478 басы зерттелді, оң нәтиже көрсеткен 69 бас, жұқтыру 0,1%. ҰММ – 25597 басы зерттелді, оның ішінде 1 бас оң нәтиже көрсетті, жұқтыру 0,0%. Сарып ауруының алдын алу мақсатында аудандық газетте мақалалар жарық көрді. Ағымдағы жылы ауылдық округ әкімдерімен, мал дәрігерлерімен және сарып ауруына қарсы вакцинасын тасымалдаушы мамандармен жиналыс өткізу жоспарлануда. Сарып ауруынан таза ауылдық округтерде сарыпқа қарсы вакцинациялау жұмыстарын жүргізу жоспарлануда.
Тұрғындардың қауіпсіздігі үшін, сарып ауруына оң нәтиже көрсеткен жануарлар 5 күн ішінде Семей қаласының ет өңдеу зауытына және ЖШС «Семей ет комбинатына» тапсырылады. Ағымдағы жылдың басынан Баскөл ауылдық округіндегі «Айжана» шаруа қожалығы және Долон ауылдық округінің Черемушка ауылында ІҚМ сарып ауруынан сауықтырылды.
Баскөл ауылдық округінің әкімінің 2018 жылғы 26 ақпанындағы №1 шешімімен «Айжана» шаруа қожалығындағы ІҚМ сарып ауруының шектеуі алынды.
Ағымдағы жылдың басынан АШЖБ базасына Бесқарағай ауданы бойынша ІҚМ-15223, ҰММ-13777, шошқа-155, жылқы-544 бас тіркелді.
Жыл басынан бүгінгі күнге дейін 647500,00 теңге сомасына 259 қаңғыбас иттер ауланып жойылды.
Ауданда 22 қарапайым мал қорымы бар. Бүгінгі күнге КМК «Ветеринариялық қызмет» теңгеріміне Бесқарағай, Баскөл, Беген, Долон, Ерназар, Кіші-Владимировка, Жетіжар, Қарабас және Канонерка ауылдық округтерінің мал қорымдары берілген. Глуховка ауылдық округінің мал қорымдары берілмеді, себебі құжаттары рәсімделуде.
Аудан бойынша 7 ветеринарлық пункт жұмыс істеуде, оның ішінде КМК«Ветеринария қызметіне» Ерназар ауылдық округінің ветеринарлық пункті аударылды. Глуховка және Долон ауылдық округтерінде ветеринариялық пункт жоқ.
Ауданда 12 мал сою алаңдары іске қосылған. Барлық алаңдар ветеринариялық-санитариялық талаптарға сай.

Ветеринария бөлімінің екінші жартыжылдыққа арналған жоспары:
1. Ауданның 2018 жылға жоспарланған эпизоотиялық іс-шараларын уақытылы және сапалы жүргізу.
2. Сарып ауруына қарсы вакцинация жұмыстарын мал иелері есебінен жандандыру.
3. Қаңғыбас иттер мен мысықтарды аулауды ұйымдастыру.
4. Ветеринариялық-санитариялық қауіпсіздікті қамтамасыз ету мақсатында ветеринариялық шараларды ұйымдастыру.
5. Ауылшаруашылығы жануарларын бірдейлендіру жұмыстарын уақытылы орындау.
Ауданда эпизоотиялық жағдай тұрақты.

Ветеринария
бөлімінің басшысы Е. Абдрахманов

 

Ветеринария бойынша 2018 жылдың 1 тоқсанына ақпарат

Аудандық ветеринария бөлімімен жүктелген аумақтың ветеринариялық-санитариялық әл-ауқатын қамтамасыз ету және жануарлар мен адам үшін ортақ аурулардан халық денсаулығын қорғау бойынша іс-шаралар қолданылуда.
2018 жылға эпизоотияға қарсы іс-шаралар жүргізуге жергілікті бюджеттен 33 млн. теңге қаражат бөлінді.Ағымдағы жылғаветеринариялық – профилактикалық және диагностикалық іс – шаралар жоспары бекітілді.
2017 жылға қарағанда 2018 жылы ветеринариялық профилактикалық және диагностикалық іс-шаралар жұмысы уақытынан ертерек басталды. Ағымдағы жылы жоспар бойынша ІҚМ – 37300 басы зерттелетін болады. Бүгінгі күнге ІҚМ – 8681 басы зерттеліп, оның 7 басы оң нәтиже көрсетті. Жоспар бойынша ҰММ – 61400 басы зерттелетін болады. Бүгінгі күнге ҰММ – 9089 басы зерттеліп, 1 басы оң нәтиже көрсетті.
Ағымдағы жылдың басынан ірі қара малының сарып ауруынан қолайсыз деп танылған пункт Баскөл ауылдық округінің, Башкуль ауылында орналасқан «Айжана» шаруа қожалығы сауықтырылды.
Бүгінгі күнге аудан бойынша ірі қара малының сарып ауруынан Долон ауылдық округінің, Черемушка ауылы қолайсыз аймақ болып танылған. Сауықтыру шаралары жүргізілуде. Бүгінгі күнде Черемушка ауылының ірі қара малдарын 4 реттік зертеу кезінде 524 бас ірі қара малының, 40 басы оң нәтиже көрсетті. Оң нәтиже көрсеткен малдар санитариялық союға тапсырылуда. Черемушка ауылының тұрғындарымен түсіндірме жұмыстары жүргізілді. Аудандық «Бесқарағай тынысы» газетіне сарып ауруы бойынша мақалалар берілді.
2018 жылы ауыл шаруашылық малдарының сарып ауруынан қолайлы елді-мекендерде сарып ауруына қарсы егу жұмыстарын жүргізу жоспарлануда.
2017 жылы ауыл шаруашылық малдарының аса қауіпті инфекциялық ауруларының ішінде құтыру ауруы ауданда 3 рет тіркелді. Құтыру ауруының тасымалдаушылары жабайы аңдар (түлкі, қасқыр т.с.с.) ауылдағы үй жануарларына ауруды жұқтыруфактілері көбейіп жатқандықтан, ағымдағы жылы құтыру ауруына қарсы күшейтілген егу жұмыстарының Глуховка, Долон және Ерназар ауылдық округтерінде жүргізілуі жоспарлануда.
Ағымдағы жылдың сәуір айында облыстық бюджет есебінен көлемі 400 литрлік тоңазытқыш және ауылдық округтердегі ветеринариялық пункттерге 7 тоңазытқыш сатып алыну жоспарлануда.
Аудан бойынша 22 мал қорымы, 15 сібір жарасы көмінділері және 11 жұмыс істеп тұрған мал сою алаңдары бар.

Бөлім басшысы Е.Абдрахманов

2017 год  

2016 год  

2015 год  

 

Парақтар өзгертілді: 10-07-2018