Әлеуметтік бағдарлама

Оказание специальных социальных услуг инвалидам и престарелым

Бесқарағай аудандық мүгедектер мен қарт азаматтарға арнаулы әлеуметтік қызмет көрсету орталығының жұмысы туралы ақпарат

«Арнаулы әлеуметтік қызметі туралы» Қазақстан Республикасының Заңын іске асыру және «Арнаулы әлеуметтік қызметтер туралы Стандартын» халықты әлеуметтік қорғау саласына енгізу мақсатында Бесқарағай ауданында нақты жұмыстар атқарылуда.
2012 жылдың 7 ақпаны күні Қазақстан Республикасының Әділет Министрлігімен «Семей ядролық полигоны салдарынан зардап шеккен мүмкіндіктері шектеулі балаларға, 18 жастан асқан психоневрологиялық паталогиялары бар мүгедектерге және қарт азаматтарға арнаулы әлеуметтік қызмет көрсету жөніндегі Бесқарағай аумақтық орталығы» мемлекеттік коммуналдық мекемесі тіркеліп, 2012 жылдың 1 сәуір күнінен бастап өз жұмысын дербес істей бастады.
Аумақтық орталықтың міндеті – мүгедектер мен жалғыз басты қарт азаматтарға арнаулы әлеуметтік қызметтерді кепілді көлемде көрсету.
Аумақтық орталығында 2 бөлімше жұмыс істейді: мүгедектер мен жалғыз басты қарт азаматттарға үйде әлеуметтік қызмет көрсету бөлімшесі және 18 жасқа дейіңгі мүгедек - балаларға арналған күндізгі бөлімше.
Мүгедектер мен жалғызбасты қарт азаматтарға арналған аумақтық орталығында 2018 жылдың 1-сәуіріне 320 адамға арнаулы әлеуметтік қызмет көрсетіледі. Оның:
- 18 жасқа дейінгі мүмкіндіктері шектеулі балалар– 38;
- психоневрологиялық патологиясы бар 18 жастан асқан 1 және 2 топтағы мүгедектер – 86;
- жалғызбасты қарттар мен мүгедектер – 196
Әр қызмет алушыға 8 арнаулы әлеуметтік қызмет көрсетіледі. Оның ішінде:
1) Әлеуметтік – тұрмыстық қызмет;
2) Әлеуметтік – медициналық қызмет;
3) Әлеуметтік – психологиялық қызмет;
4) Әлеуметтік – педагогикалық қызмет;
5) Әлеуметтік – еңбектік қызмет;
6) Әлеуметтік – мәдениеттік қызмет;
7) Әлеуметтік – экономикалық қызмет;
8) Әлеуметтік – құқықтық қызмет.
Күндізгі болу бөлімшесінде 01.04.2018 жылына 16 бала қатысады.
Оның ішінде:
1) тірек-қозғалу аппаратының бұзушылықтары бар мүгедек балалар – 9;
2) психоневрологиялық аурулары бар мүгедек балалар – 7.
Күндізгі бөлімше балаларының жеке ерекшеліктерін, мүмкіндіктерінің шектелу дәрежесін, физикалық және психикалық жай-күйін ескере отырып балаларға дағдыларды бекіту, өзіне-өзі қызмет көрсету дағдыларын дамыту, коллективизм сезіміне тәрбиелеу бойынша іс-шаралар жүргізіледі. Осы кезең аралығында балалардың дамуында оң көрсеткіштер пайда болды.
Орталық балаларына қолайлы жағдай жасау мақсатында алты кабинет жабдықталған: асхана, үлестірме ас үйі, еңбек терапиясы кабинеті, ойын бөлмесі, демалыс бөлмесі, медицина кабинеті бар. Тірек-қозғалыс аппараты бұзылған балаларға емдеу-педиатриялық тренажерлеры бар.Балалардың күндізгі алты сағаттық қатысуына байланысты ішкі режим және қатысу тәртібі бекітілген. Қатысу табелі жүргізіледі, медбикемен медициналық қабылдау және тексеру жүргізіледі. Екі рет диеталық тамақтандыру (таңғы ас, түскі ас) ұйымдастырылған.
Сондай-ақ, балаларды үйден орталыққа дейін және кері жеткізу үшін көлік қызметтері ұсынылған. Аптасына екі рет (сейсенбі, бейсенбі күндері) ауданның басқа ауылдарынан балаларды көлікпен жеткізу ұйымдастырылады.
Балалардың ой-өрісін дамыту мақсатында компьютерлік және видеотехникалық құралдармен қамтылған ақпараттық кабинет жабдықталған, кітапхана мен «Отау ТВ» қосылған теледидар бар. Аптаның әр жұма күндері спорттық-сауықтыру кешенінде «Денсаулық сағаты» жүргізіледі.
Мүгедектерді оңалту және өмірлік тонусын көтеру үшін қызмет алушылар мен олардың отбасы мүшелерін қоғамға интеграциялау мақсатында көптеген сапарларға шығу ұйымдастарылды:
- Семей қаласылық спорттық-сауықтыру кешені (шаңғы базасы);
- Қара-Мырза ауылында орналасқан "Семей орманы" РММ Канонерка филиалына экскурсия;
- Шошқалы көліне сапарға шығу;
- Ертіс өзеніне сапарға шығу (Нептун күні);
- Семей қаласыдағы Аквапарктағы сауықтыру демалысы;
- «Елімай» базасындағы сауықтыру демалысы;
- Беген орта мектебіне экскурсия;
- Нұрлыбек Баймұратов атындағы орта мектебіне экскурсия;
- шекара бекетіне экскурсия;
- Бұқабай ауылында орналасқан "Семей орманы" филиалының демалыс аймағына сапарға шығу;
- Семей қаласындағы байланыс хайуанаттар бағына экскурсия.
Барлық өткізілген мерекелік, сауықтыру т.б. іс-шаралар Бесқарағай ауданының әкімі сайтында жарияланған.
Жалпы штат саны 66 адам. Оның ішінде әлеуметтік қызметкерлер – 44, мамандар – 11 және техперсоналдар – 11 адам. Барлық мамандар біліктілігін арттыру курсынан өткен және әлеуметтік қызмет жөнінде сертификаттары бар. Шарттық негізде тартылған қызметкерлер жоқ.
Орталықтың ғимараты бір қабатты, толық бейімделген. 2017 жылы аумақтық орталықтың кіре беріс алаңына және пандусқа ағымдағы жөндеу жұмыстары мемлекеттік стандартқа сәйкес жүргізілінді.

Аумақтық орталықтың директоры Г. Байкадамова

 

2017  

 

Парақтар өзгертілді: 27-04-2018