Мемлекеттік қызметтер

Мемлекеттік органдардың қызметі туралы есеп

Бесқарағай ауданының мемлекеттік органдарымен 2019 жыл ішінде мемлекеттік қызметтерді көрсету мәселелері бойынша есебі

Негізгі тізілім 723 мемлекеттік қызмет түрін қарастырады, оның ішінде 580 (80,2%) электрондық. Жергілікті атқарушы органдар 190 түрін көрсетеді-26,3% (2019 жылғы 30 қыркүйектегі № 726 өзгерістерді ескере отырып, жалпы тізілімнен).
Бесқарағай ауданының жергілікті атқарушы органдарымен және ведомстволық бағынысты мекемелерімен 91 Мемлекеттік қызмет түрі көрсетіледі, оның ішінде 76 халыққа тегін, 15 Қызмет түрі ақылы негізде көрсетіледі (оның ішінде 7 ақылы және тегін көрсетіледі).
Оның ішінде:
Аудан әкімінің аппараты-2 Қызмет түрі;
Білім беру бөлімі 13;
Мектепке дейінгі ұйымдар-2;
Мектептер, БЖСМ, өнер мектебі, шығармашылық мектебі-8;
Дене шынықтыру және спорт бөлімі-2;
Жұмыспен қамту және әлеуметтік бағдарламалар бөлімі – 24, соның ішінде
АХАТ-10;
Халықты жұмыспен қамту орталығы – 3;
Сәулет, құрылыс, ТҮКШ, АЖ және ЖК-15;
Жер қатынастары бөлімі-13;
Кәсіпкерлік және ауыл шаруашылығы бөлімі-4;
Ветеринария бөлімі-1;
Ветеринарлық қызмет-1;
Экономика және бюджеттік жоспарлау бөлімі-1.
Ауылдық округ әкімінің аппараты-1.
2019 жылы жергілікті атқарушы органдар мен ведомствоға қарасты мекемелер аудан тұрғындарына 33199 қызмет көрсетті.
МО арқылы 10 қызмет көрсетілді (0,03%).
МО арқылы бірақ олар ХҚКО және "Электрондық үкімет" порталы арқылы
көрсетілуі мүмкін мемлекеттік қызметтер саны - 1048 (3,15%).
ХҚКО арқылы-2435 (7,3%).
Электрондық түрде– 29706 (89,5%).
"Электрондық үкімет" порталы арқылы Электрондық түрде - 17587 (53 %)
Мемлекеттік органдардың ақпараттық жүйелері арқылы 12119 (36,5 %)
2018 жылы Бесқарағай ауданының тұрғындарына 40928 қызмет көрсетілді, "Электрондық үкімет" порталы арқылы электрондық түрде 2018 жылғы қызметтер үлесі 32,5% құрады (2017 жылы 2,6%).

91 Қызмет түрінің 54-і ғана жоғары сұранысқа ие, олар бойынша 100-ден астам қызмет көрсетілген. Ең талап етілетін қызмет санына жылына 500-ден астам қызмет ветеринария, білім беру және жұмыспен қамту, сондай-ақ құрылыс саласындағы қызметтер кіреді.
1. Жалпы білім беретін мектептердегі білім алушылар мен тәрбиеленушілердің жекелеген санаттарына тегін және жеңілдікпен тамақтандыруды ұсыну (2019 ж. - 596);
2. Бастауыш, негізгі орта, жалпы орта білім берудің жалпы білім беретін бағдарламалары бойынша оқыту үшін ведомстволық бағыныстылығына қарамастан білім беру ұйымдарына құжаттарды қабылдау және оқуға қабылдау (2019 ж. - 634);
3. Адамдарға жұмыспен қамтуға жәрдемдесудің белсенді шараларына қатысуға жолдама беру (2019 ж. - 915);
4. Мемлекеттік атаулы әлеуметтік көмек тағайындау (2019 ж. -595);
5. Ветеринариялық анықтама беру (2019 ж. -3024);
6. Ветеринариялық паспорт бере отырып, ауыл шаруашылығы жануарларын бірдейлендіруді жүргізу (2019 ж. - 5657).

Көрсетілетін қызметті алушылармен өзара іс-қимыл

2018 жылдан бастап аудан әкімі аппаратында мемлекеттік қызметтер көрсету мәселелерін үйлестіретін жергілікті атқарушы органның құрылымдық бөлімшесі құрылды, Ауданның жергілікті атқарушы органдарымен көрсетілетін мемлекеттік қызметтердің сапасына ішкі бақылау жүргізеді.
Азаматтар 9-04-43 телефон нөміріне қоңырау шалып, мемлекеттік қызметтер көрсету, электрондық үкімет және электрондық қызметтер мәселелері бойынша сұрақ қоюға және түсініктемелер алуға мүмкіндіктері бар.
Мемлекеттік қызмет көрсету тәртібі туралы қажетті ақпаратты азаматтар аудан әкімінің ресми сайтынан да ала алады. Сондай-ақ, сайтта балабақшаға, мемлекеттік тұрғын үй қорынан тұрғын үйге кезектің жағдайы туралы ақпарат бар. Тізімдерді жаңарту мерзімділігі-ай сайын. Бұл ретте контентті алу үшін авторизация немесе аутентификация талап етілмейді, бұл сайтқа барлық келушілердің тізіміне еркін кіруге мүмкіндік береді.
Сонымен қатар, аудан әкімінің сайтында "Мемлекеттік қызметтер" айдарында мемлекеттік қызметтер стандарттарының жобаларын жария талқылау туралы ақпарат орналастырылған.
Тұрғындар арасында электронды түрде қызмет көрсетуді танымал ету және  сауаттылықты арттыру мақсатында аудан әкімі аппараты "Азаматтарға арналған үкімет" мемлекеттік корпорациясы "КЕАҚ филиалы - "Халыққа қызмет көрсету орталығы" Бесқарағай аудандық бөлімінің, "Қазпошта" акционерлік қоғамының филиалының өкілдерімен бірлесіп 52 оқыту семинарлары өткізілді. Семинар өткізу нәтижесінде 1104 адам оқытылды.
Мемлекеттік қызметтерді электрондық түрде алу тәсілдерін көпшілікке таныстыру мақсатында, оның ішінде пайдаланушыларды электрондық мемлекеттік қызметтер туралы хабардар ету бойынша 2 электрондық мемлекеттік қызметтер жәрмеңкесі, 5 көшпелі түсіндіру іс-шаралары өткізілді.
2019 жылы аудандық газетте және аудан әкімінің сайтында 28 мақала жарияланды, аудан әкімінің сайтында және әлеуметтік желілердің ресми беттерінде 8 бейнеролик, 39 ақпарат жарияланды.
Халыққа электрондық мемлекеттік қызмет түрлерін алуға қол жеткізу мақсатында ауданда 24 өзіне-өзі қызмет көрсету бұрышы оның ішінде (аудан кітапханаларының базасында 3, ауылдық округ әкімдерінің аппараттарында 10, аудан әкімі аппаратында 1, халықты жұмыспен қамту орталығында 1, ауданның 7 мектебінеде өзіне-өзі қызмет көрсету бұрышы істейді), онда электрондық қызметтерді алушылар өздеріне алуға және ЭЦҚ алуға өтінімді ресімдеу үшін кеңестер өткізіледі.
2019 жылы аудан халқының өзіне-өзі қызмет көрсету бұрыштары арқылы 17845 мемлекеттік қызмет көрсетілді.
Аталған өз-өзіне қызмет көрсету бұрыштары арқылы тұрғындар Мемлекеттік қызмет көрсету процестерін автоматтандыру есебінен баланы балабақшаға кезекке қою, балабақшаға жолдама алу, лагерьге демалуға жолдама алу, бірінші сыныпқа құжаттар беру сияқты білім беру саласындағы қызметтерді ала алады.
Мемлекеттік қызмет көрсету процесінің ашықтығын қамтамасыз ету мақсатында жергілікті атқарушы органдардың және ведомстволық бағынысты мекемелердің мамандарымен тұрақты негізде семинарлар өткізіледі.
2019 жылы Мемлекеттік қызмет көрсету саласында біліктілікті арттыру курстарына 2 маман жіберілді.
2020 жылы біліктілікті арттыру курстарына 20 маман жіберу жоспарланып отыр.

Мемлекеттік қызметтер көрсету сапасын бақылау

Мемлекеттік қызмет көрсету сапасын ішкі бақылау шеңберінде 10 бақылау іс-шаралары өткізілді, білім беру бөлімінде, экономика және бюджеттік жоспарлау бөлімінде, сәулет, құрылыс, ТҮКШ, АЖ және ЖК, кәсіпкерлік және ауыл шаруашылығы, ветеринария бөлімінде Баскөл, Ерназар, Долон, М-Владимировка, Бескрагай ауылдық округтері әкімі аппаратында.
Тексеру барысында мемлекеттік қызмет көрсету саласындағы 48 бұзушылық анықталды.
Бақылау іс-шарасын өткізу қорытындысы бойынша 54 ұсыныс жасалды. Барлығы 54 орындалды.
Бақылау іс-шараларының қорытындысы бойынша тәртіптік жауапкершілікке 5 маман тартылды, оның ішінде ведомстволық бағынысты ұйымдардың 4 қызметкері,1 мемлекеттік қызметкер.
2019 жылғы қазан айында ШҚО талдау және болжау институты халықтың мемлекеттік қызмет көрсету сапасына, қол жетімділігіне және рәсімдеріне қанағаттануына баға берді.
Зерттеуде 15 мемлекеттік қызмет (оның ішінде 8 мемлекеттік қызмет тұрғылықты жерлерде алынған, 7 - облыстық мекемелерде алынған мемлекеттік қызметтер қаралды), 827 қызмет алушының пікірі ескерілді (сауалнама техникалық сипаттамаға сәйкес мемлеккеттік қызметтердің сапасын арттыру мақсатында іріктеу ұлғайтылды).
Мемлекеттік қызмет көрсету сапасына қоғамдық мониторингтің қорытындысы бойынша Шығыс Қазақстан облысының 19 қаласы мен аудандары бөлінісіндегі жеке көрсеткіштер бойынша Мемлекеттік қызмет алушылардың қанағаттану индексі Бесқарағай ауданы 5 мүмкін балдың 4,6 балды құрады. Облыстық индекс 4,6 баллды құрады.

2020ға арналған міндеттер

  1. 2020 жылдың қорытындысы бойынша азаматтардың мемлекеттік қызметке қанағаттану индексі 5 баллға дейін жеткізілсін.
  2. "Электрондық үкімет" порталы арқылы көрсетілген қызметтердің жалпы санынан электрондық қызметтер үлесін 50% - ға дейін ұлғайту.
  3. Мемлекеттік қызмет көрсететін 20 маманды біліктілікті арттыру курстарына жіберу.
  4. Ауданның 5 мектебінде өзіне-өзі қызмет көрсету бұрыштарын ашу.

Мемлекеттік қызмет көрсету
мониторингілеу және ақпараттық
технология бөлімінің басшысы  А. Искакова

 

2018
2017

 

Парақтар өзгертілді: 13-02-2020
*Имя: 
*E-mail: 
*Сообщение: 
 Поля отмеченные "*" обязательные для заполнения
*Проверка: 10+15=