Ішкі саясат

Тіл дамыту

«Бесқарағай ауданының тілдерді оқыту орталығы» МКҚК
2017 жылғы ІІІ тоқсанынында атқарылған
жұмыстары туралы
Ақпарат

«Бесқарағай ауданының тілдерді оқыту орталығы» КММ 2017 жылдың 3-тоқсанында бірқатар жұмыстарды атқарды. Мемлекеттік тілді жеделтеде оқыту курсы бойынша шілде – тамыз айларында 2 айлық «Тілашар» курсы жүргізілді. Оған ауыл тұрғындарының арасынан өзге ұлт өкілдері қамтылды. Оқытумен қатар орталықтың айлық, жылдық жоспарына сәйкес іс-шаралар ұйымдастырылып, өткізіледі.
2017 жылдың 07 қыркүйек күні Тілдерді оқыту орталығының ұйымдастыруымен мекемелер мен ұйымдардың жас мамандары арасында «Нұрлыбек Баймұратовтың туғанына 130 жыл толуына орай «Өр дауысты ақын» атты сайысы өткізілді. Сайысқа ішкі саясат, мәдениет және тілдерді дамыту бөлімі басшысының м.а – Ә.М.Қалтаева, кітапхана директоры – Ж.Ж.Алпысбаева қонақ ретінде шақырылды. Сайыстың мақсаты – Н.Баймұратовтың 130-жылдығын туған елі мен аймағының жұртшылығына маңызды іс-шара ретінде атап өту болды. Сайыс бірнеше кезеңдерден құралып, қатысушылар жекелей, жұппен, топпен жұмыстар жасады. Алғашқы кезең таныстырумен басталып, сауалдар қойылу арқылы «Джованни құпиясын» ашу тапсырмасы берілді. «Әліпби желісі» кезеңінде берілген тақырыптар бойынша әліпби тәртібімен ақынға байланысты сөздер айтылды. Сайыскерлер «Де Бононың қалпақтары» кезеңінде ақын жайлы сезімдерімен бөлісіп, жақсы ойлармен постер құрды. Ал сайыстың қызықты «Крестиктер-нөлдіктер» кезеңінде айтыскер ақындардың фотосуреттерін кезекпен табу болды. Сергіту сәтінде бейнебаяндардағы әннен тұрақты сөз тіркестерін тауып, соңғы кезең ақынға байланысты бестармақ өлең құраумен аяқталды. Қатысушыларға сыйлықтар табыс етілді.
Қыркүйек айының соңында ауданның мекемелері мен ұйымдары, ауылдық округтерге жаңа оқу жылының басталуы туралы хат жолданып, 2017-2018 жаңа оқу жылына тыңдаушыларды мемлекеттік және ағылшын тілдеріне оқыту курсына қамту жұмыстары жүргізілді. Оқыту қазан айынан басталып, 2018 жылдың мамыр айына дейін жалғасады.
Өткізілген іс-шаралар туралы «Бесқарағай тынысы» аудандық газетіне, «Семей таңы» қалалық газетке мақалалар жазылып, аудан әкімінің сайтына отырғызылып тұрады.

Тілдерді оқыту орталығының директоры Ү.К.Мирашева

 

«Бесқарағай ауданының тілдерді оқыту орталығы» МКҚК
2017 жылғы ІІ тоқсанынында атқарған
жұмыстары туралы
Ақпарат

«Бесқарағай ауданының тілдерді оқыту орталығы» МКҚК 2017 жылдың 2-тоқсанында бірқатар жұмыстарды атқарды. Оқытумен қатар орталықтың айлық, жылдық жоспарына сәйкес іс-шаралар ұйымдастырылып, өткізіледі.
2017 жылдың сәуір айы «Алаш» қозғалысының 100 жылдығы аясында облыс көлемінде «Алаштың ақ жолы» атты облыстық айлық жарияланды. Айлық шеңберінде Тілдерді оқыту орталығы бірнеше іс-шараларды ұйымдастырды. Оқыту орталығының ұжымы «Алаш» қозғалысы туралы ақпараттық лездеме, кітаптар көрмесін өткізіп, тұрғындарға ақпараттық парақшалар таратты. Іс – шараның мақсаты –«Алаш» қайраткерлері қозғаған мемлекеттік тіл саясаты болды. Алаш қайраткерлері көтерген тіл мәселесі бүгінгі ХХІ ғасырдың да өзекті мәселесі болып отыр.
Осы орайда, 10 сәуір күні тыңдаушылар арасында «Алаш және Тәуелсіз Қазақстан» шығармашылық диктантын өткізді. Сондай – ақ, 19 сәуір күні тыңдаушылар арасында «Мен – Алаштың баласы...» атты интеллектуалдық сайысы өткізілді. Сайыс бірнеше кезеңдерден құралып, қатысушылар 2 топқа бөлінді. Сайысқа қатысушыларды ақпараттандыру үшін аудандық кітапхана ұйымдастырған көрмеге назар аударылып, «Алаш алыптары» туралы бейнекөрініс көрсетілді. Сондай – ақ, «Алашорда» сөзіне сөзжұмбақ беріліп, топтарға сұрақтар қойылды. Сайысқа қатысушылар «Ақылдының 6 қалпағы» әдісін қолданып, «Алаш» зиялыларына постер құрды. Олар көгершіндерге өздерінің тілектерін жазып, «Батырлар ұраны» әнін шырқаумен сайысты аяқтады. Қатысушыларға мақтау қағаздары мен сыйлықтар табыс етілді.
4 мамыр күні орталықтың ұжымы Ұлы Жеңіс күніне орай ұйымдастырылған «Ардагерлерді ардақтайық!» қайырымдылық акциясына қатысты. Акцияның мақсаты - қарттар мен еңбек ардагерлеріне, жалғыз басты қарттарға қамқорлық көрсету. Осыған байланысты, біздің мекемеге еңбек ардагерлері Ислямова Низикуль мен Набродова Валентина Афанасьевна бекітілді. Жыл сайын оқыту орталығының қызметкерлері қарттардың үйіне барып, сыйлықтар табыс етеді. Бүгінде қарттарға азық – түлік толы пакет берілді. Қарттар өздерінің ризашылықтарын білдіріп, жақсы тілектер тілеп, рақметтерін айтты.
Ағымдағы жылдың 22-26 мамыр аралығында мемлекеттік тілді оқыту бойынша жоспарға сай ауданның барлық мекемелері мен ұйымдарынан, ауылдық округтерден оқитын мемлекеттік қызметшілер мен басқа да санаттағы азаматтардан қорытынды емтихан алды. Қорытынды емтиханның көрсеткіші 76 % құрады. Ал ағылшын тілі бойынша қорытынды емтиханның нәтижесі 77 % болды. Ал жалпы білім беретін мектептердегі үйірмелер бойынша 80 % құрады.
8 маусым күні Борас орта мектеп – балабақшасының акт залында мемлекеттік тілді меңгерген тыңдаушыларға салтанатты түрде сертификат табыстау рәсімі өткізілді. Жиынға ауылдық округтерден, мекемелер мен ұйымдардан мемлекеттік қызметшілер мен басқа да санаттағы азаматтар қатысты. Бастауыш деңгейдің сертификатын табыстау құрметі оқыту орталығының директоры Ү.Мирашеваға, базалық деңгейдің сертификатын табыстау – аудандық Әділет басқармасының басшысы Г.М.Мирашева, тереңдетілген деңгейдің сертификаттары мен мақтау қағаздарын табыстау аппарат басшысы Т.Н.Глазинскийге берілді. Сондай – ақ ағылшын тілі бойынша бастауыш және жалғастырушы деңгей тыңдаушыларына сертификат табыс етілді. Салтанатты жиын барысында тыңдаушыларға ойын ойнатылды. Тыңдаушыларды аудандық Мәдениет үйінің әртістері әнмен шашу шашып, аудиторияға жағымды көңіл – күй сыйлады.
Тыңдаушылардың сабаққа қатысуы мен білім сапасы, өткізілген іс-шаралары бойынша жұмыстар аса жауапкершілікпен жүргізіледі. Ол жөнінде тілдік ахуалды үнемі назарда ұстау мақсатында өткізілген іс-шаралар туралы «Бесқарағай тынысы» аудандық газетіне, «Семей таңы» қалалық газетке мақалалар жазылып, аудан әкімінің сайтына отырғызылып тұрады.

 

Тілдерді оқыту орталығының директоры Ү.Қ.Мирашева

 

«Бесқарағай ауданының тілдерді оқыту орталығы» МКҚК
2017 жылғы І тоқсанынында атқарылған
жұмыстары туралы
Ақпарат

«Бесқарағай ауданының тілдерді оқыту орталығы» МКҚК 2017 жылдың 1-тоқсанында бірқатар жұмыстарды атқарды.
2017 жылғы 16 қаңтар күні «Білім беру процесінде тіл үйренушілерге интербелсенді әдіс-тәсілдерді қолдана отырып сабақ беру» атты аудандық семинар – кеңес өткізді.  Оған 13 Жалпы білім беретін орыс және аралас мектептердегі қазақ тілі пәні мұғалімдері қатысты. Сондай – ақ, ішкі саясат, мәдениет және тілдерді дамыту бөлімінің бас маманы Асемгүл Мәдениетқызы қатысып, тілге байланысты әртүрлі мәселелермен бөлісті. Семинар-кеңестің негізгі бөлімінде орталықтың директоры Ү.Қ. Мирашева оқыту орталығының тынысымен таныстырып, жалпы түсінік берді. Ал әдіскер А.А.Аменова семинарға қатысушылармен «Ас – адамның арқауы» тақырыбында шеберлік сабағын жүргізіп, соңында мектеп мұғалімдерінің көзқарастары мен жалпы ұсыныс – тілектері тыңдалды. Семинар өз дәрежесінде өтті.
23-27 қаңтар аралығында мемлекеттік тілді оқыту бойынша жоспарға сай ауданның барлық мекемелері мен ұйымдарынан, ауылдық округтерден оқитын мемлекеттік қызметшілер мен басқа да санаттағы азаматтардан аралық емтихан алды. Аралық емтихан А1-қарапайым, А2-базалық, В1-тереңдетілген деңгейлерде оқитын тыңдаушылардың мемлекеттік тілді қандай деңгейде меңгергендіктерін анықтау мақсатында арнайы жүйе «ҚАЗТЕСТ» жүйесі арқылы алынды. Сынақ диктант, тыңдалым, лексика-грамматикалық тест, оқылым, сөйлесім бөліктері арқылы жүзеге асып, қорытындысы шығарылды. Оқу жылының көрсеткіші 78 % құрады.  Сондай-ақ 25 - 26 қаңтар күні А1, А2 топтарда ағылшын тілін оқитын тыңдаушылардан да ағылшын тілінің мұғалімі А.Р.Байрамова емтихан қабылдады. Емтихан сабақта өткен лексикалық тақырыптары бойынша жазбаша (лексика-грамматика, тыңдалым, оқылым) тапсырмаларды орындаумен жалғасын тапты. Ағылшын тілі бойынша аралық емтиханның нәтижесі   67 % болды. Жалпы мемлекеттік және ағылшын тілдері бойынша мәлімет ШҚО лингвистикалық оқыту орталығына  жәңе мекемелерге жіберілді.
17 ақпан күні Тілдерді оқыту орталығы «Сәттілік кімге бұйырады?» интеллектуалдық ойыны өткізді. Ойынға мемлекеттік тілді оқитын А2 және В1 деңгей тыңдаушылары қатысты. Шараның мақсаты: мемлекеттік тілдің қолдану аясын кеңейту болды. Ойынға қатысушылар  «EXPO» әріптері  арқылы 4 топқа бөлінді. Әр топта 3 ойыншыдан болды. Тыңдаушыларға 9 сұрақтан қойылып, ойын барысында пайдалануға берілетін үш жеңілдік: залдағы көрермендердің көмегі, екі дұрыс емес жауап алынады және досыңа қоңырау шалу болды. Ойыншылар әрбір сұраққа тартымды жауап айтып, аудиторияға жағымды көңіл – күй сыйлады. Ойын барысында белсене қатысушылардың барлығына ынталандыру сыйлықтары берілді.
10 наурыз күні «Асыл сөз» зияткерлік сайысын өткізді. Зияткерлік сайыстың мақсаты: Ұлыстың Ұлы күні «22 Наурыз» мерекесін мерекелеу, ұлттық сананы ояту болды. Сайысқа мекемелер мен ұйымдардың басшылары – Б.Ж. Баталов, Г.М.Мирашева, Ж.Ж.Алпысбаева, С.Н.Жұмабекова және мамандар – М.Б.Кунгазина, И.Б.Бейсембаева, А.Ерғалиқызы, А.Кенжеханова, Т.Ө.Еркінов, А.С.Укитаева, Б.Т.Кабаева, В.Е.Қожахметовалар қатысты. Зияткерлік сайыс 6 кезеңнен құралып, тартымды өтті. Сайысқа қатысушылар 2 топқа «Қызғалдақ» және «Бәйшешек» топтарына бөлінді. Сайыс викториналық сұрақтармен басталып, ребустар шешу, салт – дәстүрге байланысты суретті сауалдар қойылды. Сондай – ақ, ұлттық киімдерге байланысты «лоторея» ойнатылды. Ұлттық тағамдар мен ұлттық өнер де қалыс қалмай, сайысты «караоке» айтумен аяқтады. Қатысушылар наурызға тілектерін білдіріп, риза болды. Зияткерлік сайыс соңында грамоталар мен сыйлықтар берілді. 
Өткізілген іс-шаралар туралы «Бесқарағай тынысы» аудандық газетіне, «Семей таңы» қалалық газетке  мақалалар жазылып, аудан әкімінің сайтына отырғызылып тұрады.

Тілдерді оқыту орталығының директоры Ү. Мирашева

 

 

«Бесқарағай ауданының тілдерді оқыту орталығы» МКҚК
2016 жылғы ІV тоқсанынында атқарылған жұмыстары туралы
АҚПАРАТ

«Бесқарағай ауданының тілдерді оқыту орталығы» МКҚК 2016 жылдың 4-тоқсанында бірқатар жұмыстарды атқаруда. Қазан айынан бастап мемлекеттік және ағылшын тілдерін оқуға ұйымдар мен мекемелерден, ауылдық округтерден мемлекеттік және басқа да санаттағы қызметкерлер оқуға тартылып, 8 айлық курс жалғасын тапты. Жаңа 2016 – 2017 оқу жылына 109 тыңдаушы мемлекеттік тілді оқуға, 24 тыңдаушы ағылшын тілін оқуға тартылды.  Оқытумен қатар орталықтың айлық, жылдық жоспарына сәйкес іс-шаралар ұйымдастырылып, өткізіледі.
4 қазан күні оқыту орталығы қарттар күніне орай ұйымдастырылған «Ардагерлерді ардақтайық!» қайырымдылық акциясына қатысты. Акцияның мақсаты - қарттар мен еңбек ардагерлеріне, жалғыз басты қарттарға қамқорлық көрсету. Осыған байланысты, біздің мекемеге еңбек ардагерлері Ислямова Низикуль мен Набродова Валентина Афанасьевна бекітілді. Жыл сайын оқыту орталығының қызметкерлері қарттардың үйіне барып, ақшалай сыйлық табыс етті. Қарттар өздерінің ризашылықтарын білдіріп, жақсы тілектер тілеп, рақметтерін айтты.
16 қараша күні ҚР Тәуелсіздігінің 25 жылдық мерейтойын мерекелеуге орай «Тіл керуені» атты интеллектуалды ойыны өткізілді. Оған мемлекеттік тілді оқитын базалық және тереңдетілген деңгей тыңдаушылары қатысты. Сондай – ақ, ішкі саясат, мәдениет және тілдерді дамыту бөлімінің бас маманы Асемгуль Мадениетовна Калтаева мен ағылшын тілі пәнінің мұғалімі Айнура Ровшановна Байрамова сарапшы болды. «Тіл керуені»  интеллектуалды ойыныVІ кезеңнен құралды. Ойынға қатысушылар түрлі - түсті ленталар арқылы 2 топқа бөлінді. Әр топта 6 ойыншыдан болды. Қатысушылар «25 жылдың бейнесін» экраннан бейнекөрініс арқылы тамашалап, тапсырмаларын орындады. Ал «Шрифтограмма» шешуде екі топ та белсене қатысып, сөздерді дұрыс орналастыра алды. Суреттерді ватманға жабыстырып, үш тілде жаза білген ойынның қатысушылары «Тіл білгірі» кезеңінде 1-ші топтың жауаптары басымырақ болды. Интеллектуалды ойынның сергіту сәтінде «Кун – фу - Панда» әдісін қолдана отырып, сөйлемдерге тыныс белгілері қойылды. Ал «Таңдаулы тақырыпта» шарларда жасырылған тапсырмаларды орындауда 2 – ші топ мүшелері қызықты жауаптармен таңдандырды. Соңында топтар бірлесе отырып «Алға, Қазақстан!» атты патриоттық әнге флеш – моб биледі. Ойын барысында белсене қатысушылардың барлығы мақтау қағаздарымен марапатталды.
2016 жылғы 24 қараша күні ҚР Тәуелсіздігінің 25 - жылдығына арналған 25 жұлдызды күндер мерекесінің төртінші күні аудандағы өзге ұлт өкілдері арасында "Біз мемлекеттік тілде сөйлейміз" атты зияткерлік сайысы өткізілді. Сайысқа Ерназар, Бесқарағай, Баскөл, Канонерка, Жетіжар ауылдық округтерінің командалары белсене қатысты. Сайыс "Танысу" сергіту сәті, "Қисыны қандай", "Алтын кілт", "Менің елім", "Бірлігіміз жарасқан" атты 5 айналым бойынша өткізілді. Сайыс нәтижесі бойынша барша командалар белсене қатысқаны үшін грамоталар және естелік сыйлықтарымен марапатталды.
Шығыс Қазақстан лингвистикалық орталығының бастамасымен және Тілдерді оқыту орталығының ұйымдастыруымен 2016 жылғы 29 қараша күні аудандық әкімдіктің мәжіліс залында мемлекеттік қызметшілер арасында Тұңғыш Президент күніне орай «Тәуелсіздік тұғырында 25 жыл» тақырыбында диктант өткізілді. Диктанттың мақсаты - мемлекеттік қызметшілердің қазақша жазу сауаттылығын жетілдіру болды. Жалпы диктант жазуға – 40 минут уақыт, өзін-өзі тексеруге 5 минут уақыт берілді. Диктантқа Бесқарағай ауданы бойынша 51 мемлекеттік қызметшілер бір адамдай қатысып, ұйымшылдықтарын көрсетті. Нәтижесі электрондық пошта арқылы ШҚО лингвистикалық оқыту орталығына жіберілді.
Сондай – ақ, өткізілген іс-шаралар туралы «Бесқарағай тынысы» аудандық газетіне, «Семей таңы» қалалық газетке мақалалар жазылып, аудан әкімінің сайтына отырғызылып тұрады.

Тілдерді оқыту орталығының
директоры Ү.Мирашева

 

 

«Бесқарағай ауданының тілдерді оқыту орталығы» МКҚК 2016 жылғы ІІІ тоқсанынында атқарылған
жұмыстары туралы АҚПАРАТ

«Бесқарағай ауданының тілдерді оқыту орталығы» МКҚК 2016 жылдың 3-тоқсанында бірқатар жұмыстарды атқарды. Мемлекеттік тілді жеделтеде оқыту курсы бойынша шілде – тамыз айларында 2 айлық «Тілашар» курсы жүргізілді. Оған ауыл тұрғындарының арасынан өзге ұлт өкілдері қамтылды. Оқытумен қатар орталықтың айлық, жылдық жоспарына сәйкес іс-шаралар ұйымдастырылып, өткізіледі.

Ағымдағы жылы қыркүйектің 19 күні Қазақстан Республикасы Тәуелсіздігінің 25 жылдық мерейтойы қарсаңында және «Тілдер шеруі» атты айлық шеңберінде «Қазақ тілінің білгірі» атты сөзмерген өткізілді. Оған мекемелер мен ұйымдардан әртүрлі сала қызметкерлері қатысты. Сондай – ақ, ішкі саясат, мәдениет және тілдерді дамыту бөлімінің бас маманы Асемгуль Мадениетовна, Әділет басқармасының басшысы Гүлмира Мелісқызы, Тілдерді оқыту орталығының директоры Үмітжан Қайрғалиқызы әділқазылар алқасында мүшелік етті. «Сөзмерген» V кезеңнен құралды. «Сөзмергенге» қатысушылар түрлі - түсті тәтті кәмпиттер арқылы «Қара сөз» және «Тілашар» болып 2 топқа бөлінді. Әр топта 6 ойыншыдан болды. Әртүрлі тапсырмаларды орындау арқылы жаңа қақпа есігі ашылып отырды. Алғашқы «Тас қақпа» кезеңінде қазақ тіліне байланысты сұрақтар қойылып, қатысушылар 1 минут ішінде аса жылдамдықпен «иә», «жоқ» деп жауап берді. «Қола қақпаны» ашу үшін жұмбақтар жасырылып, Тамаша Шерікбай, Талғатбек Есімбаев, Ғайниса Какимжановалар топта басымырық болып, қақпаны айқара аша білді. Ал «Күміс қақпаға» келгенде қатысушылардың ой жүйріктері басым болды. Қатысушылар құлаққаппен әуен тыңдап отырады. Алғашқы ойыншыға жасырылған сөзді ым-ишарамен немесе жұмбақтап айтып түсіндірді. Солай келесі ойыншымен жалғасын тауып отырды. «Алтын қақпада» тұрақты сөз тіркестері мен мақал-мәтелдерді табу тапсырмасы берілді. Тұрақты сөз тіркестеріне жүйрік болғандар - Айтолқын Ерғалиқызы, Тлеуберді Ильдебаев, Талант Еркінов пен Қуаныш Нұршаев. Соңғы кезең «Сиқырлы сандық» кезеңінде де әр топтан 3 ойыншы қоржындағы асықтарды алып, ұтымды жауаптар айта алды. «Сөзмергеннің» қорытындысы бойынша «Қара сөз» тобы 29 ұпаймен басымырақ түсіп, жеңімпаз атанды. Сайыс соңында барлық қатысушыларға сыйлықтар мен мақтау қағаздары берілді.

Сондай-ақ, ШҚО лингвистикалық оқыту орталығынан келіп түскен нұсқаулық - хаты бойынша аудандық Мемлекеттік зейнетақы төлеу орталығы мен аудандық Халыққа қызмет көрсету бөлімінің қызметкерлерінен «ҚАЗТЕСТ» жүйесі бойынша диагностикалық тест алынды. Оған 11 қызметкер қатысып, бақылау тестінен өтті. Әр қызметкердің тест нәтижесі анықтама түрінде шығарылып, Лингвистикалық орталыққа жолданды.

Қыркүйек айының соңында ауданның мекемелері мен ұйымдары, ауылдық округтерге жаңа оқу жылының басталуы туралы хат жолданып, 2016-2017 жаңа оқу жылына тыңдаушыларды мемлекеттік және ағылшын тілдеріне оқыту курсына қамту жұмыстары жүргізілді. Оқыту қазан айынан басталып, 2017 жылдың мамыр айына дейін жалғасады.

Өткізілген іс-шаралар туралы «Бесқарағай тынысы» аудандық газетіне, «Семей таңы» қалалық газетке мақалалар жазылып, аудан әкімінің сайтына отырғызылып тұрады.

Тілдерді оқыту орталығының директоры Ү.К.Мирашева

Парақтар өзгертілді: 22-11-2017