Ішкі саясат

Жастар саясаты

Бесқарағай ауданының Жастар ресурстық орталығының
2017 жылдың ІІ тоқсаны бойынша ақпараты.

2017 жылдың 7 сәуірі күні Жастар ресурстық орталығының ұйымдастыруымен аудандық Мәдениет үйінде Күлкі күніне арналған жастар арасындағы «Болашақ энергиясы» атты Жайдарман «КТК» ойыны өткізілді.
Ойынға Үлкен Владимирвка орта метебінің «ENERGY Ұстаз», Бесқарағай ауданының орталық ауруханасының «Әзіл терапия», Бесқарағай колледжінің «Колледж жігіттері», Дербес бөлімдердің «Тек қана Қыздар» және Бесқарағай ауданы әкімі аппаратының «LEGO» құрама командалары қатысты.
Ойын соңында «Нұр Отан» партиясы Бесқарағай аудандық филиалының бірінші орынбасары Б.У.Омаров және мәслихат хатшысы Қ.Қ.Садықов жастарды құттықтап, «Үздік ойыншы» номинациясымен «Колледж жігіттері» командасының белсендісі Мәлікақынов Қайрат марапатталса, «Үздік үй тапсырмасы» номинациясымен «LEGO» командасын және «Үздік сәлемдесу» номинациясымен «Әзіл терапиясы» командасын марапаттады. Тартысты бәсекеде 3 орынды «Тек қана Қыздар» командасы, 2 орынды «ENERGY Ұстаз» ал 1 орынды «Жас Отан» ЖҚ кубогін «Колледж жігіттері» иеленді.
Жоғары деңгейде өткен КТК ойыншыларының ойыны көрермендер тарапынан қолдау алып, барлық көрермендерге көтеріңкі көңіл күй сыйлады.
2017 жылдың 9 мамырында Бесқарағай ауылының орталық алаңында Ұлы Жеңістің 72 жылдығына орай аудандық «Өз алауыңды жақ!» акциясы өтті.
Мақсаты – ҰОС құрбандарын еске алу, патриоттық сезімге тәрбиелеу. Акция аудандық мәдениет үйінің әртістері, өнер мектебінің ұстаздары дайындаған концерттік бағдарламасымен жалғасты. Барлық қатысушылар ҰОС құрбандарына арнап алауларын жақты.
Іс – шара мерекелік би кешімен аяқталды.
2017 жылдың 25 мамыры күні Бесқарағай ауылының орталық алаңында Қазақстан Республикасының Мемлекеттік Рәміздеріне 25 жыл толуына орай, «Бір ту астында» атты патриоттық акциясы шеңберінде рәміздер марафоны және субұрқақтың салтанатты ашылуы ұйымдастырылды.
Іс-шараға қатысқан Бесқарағай ауданы әкімінің міндетін атқарушы Е.Рахметуллин және аудан әкімінің орынбасары Р.Кисамиева қатысушыларды мерекемен құттықтап, мемлекеттік туды спортшыларға табыстап, «Қазақстан Республикасының Мемлекеттік Рәміздерінің 25 жылдығы» марафонына бастау берді.
Мерекелік іс-шара аудандық Мәдениет үйінің әртістерінің концерттік бағдарламасымен, караоке және жастарға арналған би кешімен жалғасты.

Ағымдағы жылдың 3 маусым күні Бесқарағай ауылының орталық алаңында Қазақстан Республикасының Мемлекеттік рәміздерінің 25-жылдығына арналған «Ту, Елтаңба, Әнұран – тірегіміз, Туған ел деп соғады жүрегіміз» атты патриоттық іс-шарасы өткізілді.
«Менің Туым» патриоттық акциясы мемлекеттік туды ұстаған авто, веложарыс, жас спортшылардың жаяу жүгірісі шеруімен басталды.
Аудан әкімінің міндетін атқарушы Е. Рахметуллин, аудан әкімі аппаратының басшысы Т.Н. Глазинский аудан тұрғындарын құттықтап, «Нұр Отан» партиясына алғаш кірген азаматтарға партиялық билеттерін табыс етті, сонымен қатар, ауданның қоғамдық- мәдени өміріне белсене қатысқан азаматтарға алғыс хаттар табыс етілді.
Патриоттық акция Аудандық Мәдениет үйінің әртістерімен және балалар өнер мектебімен ұйымдастырылған концерттік бағдарламамен жалғасты. Іс-шара соңында аспанға «Қазақстан Республикасының мемлекеттік рәміздеріне 25 жыл» атты гель шарлары жіберілді.

Жастар ресурстық орталығының директоры М.Табылдин

 

Бесқарағай ауданының Жастар ресурстық орталығының
2017 жылдың І тоқсаны ішіндегі жұмысы

2017 жылғы 19 қаңтар күні  Канонерка ауылдық округінің кітапханасында ауылдық округінің тұрғындары мен жастарына «Отбасылық құндылықтар» тақырыбында қазақстандық режиссер Серік Таласовтың «Жанұя» атты толықметражды бейнефильмі көрсетілді.
Аталған іс-шара округ тұрғындары мен жастары  арасында отбасылық құндылықтарды насихаттау, адамгершілік қасиеттерді дамыту мақсатында ұйымдастырылды. 
2017 жылдың 10 ақпаны күні Борас орта мектеп - бақшасында «Мемлекет тұрақтылығы- бірлік пен ынтымақ» тақырыбында  «Нұр Отан» партиясы жанындағы «Жас Отан» ЖҚ ШҚОФ төрайымы Бахыт Маржанның ауыл жастарымен кездесуі өткізілді.  
Мақсаты: 2017 жылдың 31 қаңтарындағы «Қазақстанның үшінші жаңғыруы: жаһандық бәсекеге қабілеттілік» Елбасы жолдауын жастарға түсіндіру жұмысы. Кездесу барысында Бахыт Маржан «Сәтті қадам», «Серпін» және басқа да мемлекеттік бағдарламалар туралы қысқаша ақпарат беріп, жастар әрқашан Елбасы саясатын қолдап, белсенді болуға шақырды.
2017 жылдың 10 ақпаны күні «ЭКСПО-2017» халықаралық мамандандырылған көрмесін Шығыс Қазақстан облысының тұрғындары, әсіресе жастар арасында ақпараттық- насихат жұмысын кеңінен жүргізу мақсатында «Жайдарман» телевизиялық жобасының 2016 жылғы жоғары лига чемпиондары «Аягөз құрамасы», «Әзіл әлемі» театрының актері Мейіржан Алтыбаевтың қатысуымен «Әзіл энергиясы- 2017» атты керуен- концерттік бағдарламасы өтті. 
Кештің соңында аудан әкімі Н.Т.Токсеитов команда капитаны Алтыбаев Мейіржанға барлық қонақтардың атынан шығармашылық табыс тілеп, алғыс хатпен марапаттады.
2017 жылдың 15 ақпан күні Ауған соғысының 28 жылдығына арналған Бесқарағай ауылының мектеп оқушылары арасында Борас орта мектебінің спорт залында әскери- спорттық іс- шара өткізілді. 
Аталған іс- шараның мақсаты – қазақстандық патриоттылыққа тәрбиелеу және әскери- қолданбалы спорт түрлеріне жастар арасында танымалдау және салауатты өмір салтын насихаттау болып табылады. 
Іс – шараға аудан әкімі аппаратының басшысы Т.Н.Глазинский, Бесқарағай ауданының қорғаныс істері жөніндегі бөлімінің басшысы подполковник Е.М. Джумин, Ауған соғысының ардагерлері және Ү-Владимировка орта мектебінің, Борас орта мектеп –бақшасының оқушылары, аудан колледжінің студенттері және аудан тұрғындары қатысты..
Әскери-спорттық іс- шара 4 кезеңнен тұрды: саптық көрініс және ән, АК-74-ті толық емес бөлшектеу және жинау, азаматтық қорғаныс және кедергілер жолағын бағындыру.
Өткізілген іс-шара қорытындысы бойынша бірінші жүлделі орынды Үлкен- Владимировка орта мектебінің командасы, екінші орынды Борас орта мектеп- бақшасы иеленді «Бесқарағай ауданының Ауған соғысы ардагерлері мекемесі» қоғамдық бірлесітігі атынан 3 команда қатысушыларына мақтау қағаздары тапсырылды.
2017 жылдың 23 ақпаны күні жастар орталығының ұйымдастыруымен Бесқарағай колледжінің акті залында «Жастар арасында спид пен туберкулезден алдын алу шаралары» атты колледж студенттерімен кездесу өткізілді. 
Мақсаты: жастар арасында бұл қатерлі аурулардың маңыздылығын, олардан қалай сақтауын насихаттау болды.
Дөңгелек үстелге Бесқарағай ауданының орталық ауруханасының салауатты өмір салты кабинетінің меңгерушісі Қ.М.Аққожин, дәрігер-фтизиатр С.Б.Шахметов және аудан студенттері, ұстаздар қатысты. Барлығы 45 адам болды. Қатысушылар оқылған дәріске риза болып, керекті сұрақтарына жауаптар алды. Кездесу соңында қатысушылар естелік фотаға түсті.

Жастар ресурстық орталығының директоры М.Табылдин

 

Мұрағат

2016 жыл
2015 жыл
2014 жыл
2013 жыл *. doc, 47 Кб

Парақтар өзгертілді: 04-08-2017