Ішкі саясат

Жастар саясаты

Жастар саясаты
Дін
АНТ
БАҚ
Діни экстремизмге қарсы іс-қимыл
Бесқарағай ауданы бойынша кәсіби емес медиаторлар тізбе
Тіл дамыту

Үкіметтік емес ұйымдар назарына!

2018 жылғы 1 қаңтарда күшіне енген Мемлекеттік сатып алуды жүзеге асыру қағидаларына енгізілген өзгерістерге сәйкес, ҮЕҰ дерекқорына тіркелу мемлекеттік әлеуметтік тапсырыс аясында әлеуметтік бағдарламаларды және (немесе) әлеуметтік жобаларды, мемлекеттік гранттарды іске асыруға арналған конкурсқа қатысу үшін міндетті шарт болып табылады.
Азаматтық қоғам істері комитетінің ақпаратына сәйкес, 2018 жылғы
31 наурызда
үкіметтік емес ұйымдардың ҮЕҰ Дерекқорына өз қызметі туралы мәліметтерді ұсыну мерзімі аяқталады.
Осыған орай, мекеме, қоғамдық бірлестік, акционерлік қоғам, қор, қауымдастық (одақ) нысанындағы, заңды тұлғалар бірлестіктері нысанында құрылған үкіметтік емес ұйымдарға, Қазақстан Республикасының аумағында қызметін жүзеге асыратын шетелдiк және халықаралық коммерциялық емес ұйымдардың филиалдары мен өкiлдiктерiне (оқшауланған бөлiмшелерi) уақытылы, соңғы күндерге қалдырмай infonpo.kz сайтында есеп берудің электронды нұсқасын толтыру ұсынылады.
ҮЕҰ Дерекқорына өз қызметі туралы мәліметтерді ұсынудың баламалы тәсілі есеп берудің қағаз нұсқасын толтыру болып табылады. Есептің қағаз нұсқасын электрондық форманың CD-дискте немесе флэш-жинақтауышта қосымшасымен қоса Дін істері және азаматтық қоғам министрлігінің мекен-жайына үстіміздегі жылдың 31 наурызына дейін жолдау қажет.
ҮЕҰ Дерекқорына мәліметтерді уақытылы өткізбегені үшін Қазақстан Республикасының заңнамасына сәйкес жауапкершілік қарастырылған.

 

Мемлекеттік әлеуметтік тапсырыс, грант және сыйлықақы тағайындау бойынша конкурсқа қатысу үшін үкіметтік емес ұйымдар ҮЕҰ дерекқорында болуы керек

  1. ҮЕҰ Дерекқоры дегеніміз не?

ҮЕҰ Дерекқоры - үкіметтік емес ұйымдар қызметінің ашықтығын қамтамасыз ету және жұртшылыққа олар туралы ақпарат беру мақсатында, сондай-ақ мемлекеттік әлеуметтік тапсырысты орналастыру шеңберінде пайдалану, гранттар ұсыну және сыйлықақылар беру үшін қалыптастырылатын ақпараттық дерекқор.
 
2) Қай мемлекеттік орган ҮЕҰ Дерекқорын қалыптастыру бойынша уәкілетті орган болып табылады?
Қазақстан Республикасы Дін істері және азаматтық қоғам министрлігі (ДІАҚМ) ҮЕҰ Дерекқорын қалыптастыруға жауапты уәкілетті орган болып табылады. Тікелей жұмысты ДІАҚМ-нің Азаматтық қоғам істері комитеті жүргізеді. 

3) ҮЕҰ Дерекқорына кімдер мәліметтер беру керек?
«Коммерциялық емес ұйымдар туралы» Қазақстан Республикасы Заңының 41-бабы 5-тармағына сәйкес мекеме, қоғамдық бірлестік, акционерлік қоғам, қор, қауымдастық (одақ) нысанындағы заңды тұлғалар бірлестіктері нысанында, сондай-ақ осы Заңның 17-бабында көзделмеген өзге де ұйымдық-құқықтық нысандарда құрылған коммерциялық емес ұйымдар, Қазақстан Республикасының аумағында қызметін жүзеге асыратын шетелдiк және халықаралық коммерциялық емес ұйымдардың филиалдары мен өкiлдiктерi (оқшауланған бөлiмшелерi) үкіметтік емес ұйымдармен өзара іс-қимыл саласындағы уәкілетті органға жыл сайын 31 наурызға дейін үкіметтік емес ұйымдармен өзара іс-қимыл саласындағы уәкілетті орган бекітетін тәртіппен өз қызметі туралы, оның ішінде өз құрылтайшылары (қатысушылары), мүлкінің құрамы, ақшаны қалыптастыру көздерi мен жұмсау бағыттары туралы мәліметтерді ұсынады.
Қазіргі уақытта Дін істері және азаматтық қоғам министрлігімен аталған нормаға ҮЕҰ Дерекқорына мәліметтер беретін коммерциялық емес ұйымдарды нақтылау жөнінде өзгерістер енгізу бойынша жұмыс жүргізілуде. 

4) Жақында, ҮЕҰ дерекқорына үкіметтік емес ұйымдар өз мәліметтерін ұсыну туралы жаңа қағидалар әзірленгені белгілі болды. Қағидаларға өзгерту енгізу туралы шешім немен байланысты?
Жаңа Қағида уәкілетті органға мәліметтер ұсынуды жеңілдету мақсатында үкіметтік емес ұйымдар өкілдерінің пікірін ескере отырып, әзірленді. Мәліметтерді ұсыну нысаны жеңілдетілді – кейбір тармақтар алынып тасталды және нақтыланды, толтыруға ыңғайлы болу үшін кестелерге бөлінді (құрылтай құжаттарын, бухгалтерлік баланстарды, ұсынуды талап ететін нормалар, кірістер мен шығыстарға қатысты тармақтар салық есептілік нысанына сәйкес келтірілді, бұл мәлімет ұсынуды жеңілдетеді).

5) ҮЕҰ Дерекқорына мәліметтерді қашан беру керек?
ҮЕҰ Дерекқорына мәліметтерді жыл сайын, есептік мерзімнен кейінгі әр жылдың 31 наурызына дейін беру қажет.

6) ҮЕҰ Дерекқорына мәліметтерді қандай нысан бойынша беру керек?
Мәліметтер ҮЕҰ-мен өз қызмету туралы мәліметтерді беру қағидаларға (Мәдениет және спорт министрінің 19.02.2016 ж. № 51 бұйрығы) қосымша берілген нысанға (https://infonpo.kz/wp-content/uploads/2018/01/%D0%9F%D1%80%D0%B8%D0%BA%D0%B0%D0%B7-%E2%84%96175-%D0%BD%D0%B0-%D1%80%D1%83%D1%81.pdf) сәйкес міндетті түрде қазақ және орыс тілдерінде беріледі. 

  1. ҮЕҰ Дерекқорына мәліметтерді қалай беру керек?

Мәліметтер:
- пошта немесе электронды тасушылар арқылы қолма-қол қағаз және электронды түрде (Word форматында CD-дисктерде немесе USB-флэш-жинақтаушыларда) 2018 жылы 31 наурызға дейін;
- ҮЕҰ Дерекқордың (http://infonpo.kz) интернет-порталы арқылы ұсынылады.   

8) ҮЕҰ дерекқорына веб-портал арқылы, яғни электронды түрде мәліметтерді ұсыну мүмкіндігі сақталды ма?  
Иә, бұл мүмкіндік сақталды. Мәліметтерді электронды түрде ұсыну үшін ҮЕҰ дерекқоры infonpo.kz веб-порталы қызмет атқарады. Веб-порталды тіркелу/авторизациялау үшін заңды тұлғаға электронды-цифрлы қолтаңба (ЭЦҚ немесе сертификат) қажет. ЭЦҚ алу үшін Халыққа қызмет көрсету орталығының жақын бөлімшесіне өтінім бере аласыз.
ҮЕҰ дерекқоры http://infonpo.kz интернет-порталына кірген кезде  ҮЕҰ пайдаланушы нұсқаулығымен таныса алады, онда алгоритм бойынша порталмен жұмыс істеу үшін әр қадамы көрсетілген.  

9) Қағаз түріндегі мәліметтерді пошта арқылы қай мекенжайға жолдау керек?
Уәкілетті органға үкіметтік емес ұйымдардың қызметтері туралы мәліметтерді ұсыну кезінде, үкіметтік емес ұйымдар пошта арқылы немесе қолма-қол ілеспе хатпен өзінің қызметі туралы мәліметті мына мекенжайға жолдайды: 010000, Астана қаласы, Есіл ауданы, Мәңгілік Ел даңғылы, 8, 15-кіреберіс, Қазақстан Республикасы Дін істері және азаматтық қоғам министрлігінің Азаматтық қоғам істері комитеті. 

10) Есеп беру нысанын толтыру жөнінде ұсынымдар бар ма?
ҮЕҰ Дерекқорына мәліметтер беру жөніндегі әдістемелік ұсынымдар infonpo.kz (https://infonpo.kz/wp-content/uploads/2017/09/%D0%9C%D0%B5%D1%82%D0%BE%D0%B4.-%D1%80%D0%B5%D0%BA%D0%BE%D0%BC.-%D0%91%D0%94-%D0%9D%D0%9F%D0%9E_175.pdf) сайтында орналасқан:

11) Биылғы жылы үкіметтік емес ұйымдар өз мәліметтерін былтыр тапсырса биыл тапсыруға міндетті ме?  
«Коммерциялық емес ұйымдар туралы» Қазақстан Республикасы Заңына сәйкес өз қызметі туралы мәліметтерін уәкілетті органға жыл сайын тапсырады.

12) Қазақстандық үкіметтік емес ұйымдардың филиалдары мен өкілдіктері мәліметтерді ҮЕҰ дерекқорында ұсынуға міндетті ме?  
Қазақстандық үкіметтік емес ұйымдардың филиалдары мен өкілдіктері өзінің қызметтері туралы мәліметтерді өздері ұсынбайды. Қазақстандық үкіметтік емес ұйымдардың филиалдары мен өкілдіктерінің қызметі туралы мәліметтерді «бас ұйым» ұсынады.
Үкіметтік емес ұйымдар өз қызметі туралы мәліметтерді ұсыну және олар туралы дерекқорды қалыптастыру қағидаларына сәйкес Қазақстан Республикасы аумағында тіркелген және Қазақстан аумағында өзінің құрылымдық бөлімшелері бар (филиалдар және өкіледіктер) үкіметтік емес ұйымдар филиалдар мен өкілдіктер туралы мәліметті ұсынуы тиіс.
Егер «бас ұйым» барлық филиалдар туралы ақпарат, оның ішінде филиалдар немесе өкілдіктер ағымдағы жылы іске асырған және асырылатын жобалар туралы мәліметтерді ұсынбаса, онда мәліметтер толық деп есептелмейді және ҮЕҰ ДҚ-ға енгізілмейді.

13.  ҮЕҰ дерекқорына мәліметтерді беру мерзімінен кейін құрылған, үкіметтік емес ұйымдардың қызметі туралы мәлімет ҮЕҰ дерекқорына енгізіле ме? Мысалға, ұйым 2018 жылы 10 сәуірде құрылды.  
Егер келесі есепті кезеңнің басына дейін мәліметті ұсынған жағдайда, ұйым (ҮЕҰ дерекқорына мәліметті есепті кезеңнен кейін құрылған) ҮЕҰ дерекқорына енгізіледі.

14. ҮЕҰ-ның ҮЕҰ дерекқорында болуын қалай білуге болады?
ҮЕҰ дерекқорына мәліметті ұсынатын ҮЕҰ-ның тізбесі infonpo.kz сайтында орналасқан. Бұл тізбе түсуіне қарай жаңарып отырады.

15. Мәліметтерді ұсынбау немесе дәйексіз мәліметтерді ұсыну үшін қандай шаралар қарастырылған?
«Әкімшілік құқық бұзушылық туралы» Қазақстан Республикасы Кодексінің 489-1 бабына сәйкес:
1. Коммерциялық емес ұйымдардың, Қазақстан Республикасының аумағында қызметін жүзеге асыратын шетелдiк және халықаралық коммерциялық емес ұйымдар филиалдары мен өкiлдiктерiнің (оқшауланған бөлiмшелерiнің) үкіметтік емес ұйымдармен өзара іс-қимыл саласындағы уәкілетті органға өз қызметі туралы, оның ішінде өзінің құрылтайшылары (қатысушылары), мүлкінің құрамы, ақшаның қалыптасу көздері және жұмсалу бағыттары туралы мәліметтерді ұсынбауы, уақтылы ұсынбауы, сол сияқты анық емес немесе көрінеу жалған мәліметтерді ұсынуы, – ескерту жасауға алып келеді.
2. Осы баптың бірінші бөлігінде көзделген, әкімшілік жаза қолданылғаннан кейін бір жылдың ішінде қайталап жасалған әрекеттер (әрекетсіздік), – жиырма бес айлық есептік көрсеткіш мөлшерінде айыппұл салуға не үш ай мерзімге қызметін тоқтата тұруға алып келеді.

16. ҮЕҰ-дар ҮЕҰ дерекқорында болған жағдайда, қандай артықшылыққа ие болады?
ҮЕҰ дерекқорында болуы ұйымдарға ҮЕҰ-дың табысты жобаларымен танысуға, тәжірибе алмасуға, ынтымақтастық пен серіктестік орнатуға мүмкіндік береді.  
Сонымен қоса, ҮЕҰ дерекқорына тіркелу мемлекеттік әлеуметтік тапсырыс аясында әлеуметтік бағдарламаларды және (немесе) әлеуметтік жобаларды, мемлекеттік гранттарды іске асыруға, сонымен бірге ҮЕҰ-ға сыйлықақы тағайындауға арналған конкурсқа қатысу үшін міндетті болып табылады.
ҚР Қаржы министрінің 2015 жылғы 11 желтоқсандағы № 648 бұйрығымен бекітілген және 2018 жылғы 1 қаңтарда күшіне енген Мемлекеттік сатып алуды жүзеге асыру қағидаларына сәйкес, «Үкіметтік емес ұйымдардың дерекқорында» мәліметтері жоқ әлеуетті өнім берушілер, мемлекеттік әлеуметтік тапсырыспен қарастырылған қызметтерді мемлекеттік сатып алуға қатысуға жіберілмейді.
«Қазақстан Республикасындағы мемлекеттік әлеуметтік тапсырыс, үкіметтік емес ұйымдарға арналған гранттар және сыйлықақылар туралы» Қазақстан Республикасы Заңының 6-1-бабы, 3-тармағына сәйкес Гранттар тарату процесіндегі дәрменсіз (банкрот) деп танылған, мүлкіне тыйым салынған және (немесе) экономикалық қызметі тоқтатыла тұрған үкіметтік емес ұйымдарды қоспағанда, Үкіметтік емес ұйымдардың дерекқорына енгізілген үкіметтік емес ұйымдарға конкурстық іріктеу негізінде беріледі.

17. Үкіметтік емес ұйымдардың дерекқорына мәліметтерді ұсыну рәсімі жетілдіріліп отыра ма? 
Дін істері және азаматтық қоғам істері министрлігі ҮЕҰ дерекқорына мәліметтер беру рәсімдерін жеңілдету бойынша  жұмысты жалғастыруда. Сондай ақ, мемлекеттік органдардың ақпараттық жүйелермен «ҮЕҰ дерекқоры» ақпараттық жүйесін біріктіру бойынша  мәселе пысықталуды, бұл ҮЕҰ-ға ұйымдар қызметіне қатысты ақпаратты жыл сайын жаңартуға мүмкіндік береді.  

 

Ескерту

«Коммерциялық емес ұйымдар туралы» Қазақстан Республикасының Заңының 41-бабы 5-тармағына сәйкес үкіметтік емес ұйымдар (қоғамдық бірлестік, қоғамдық қорлар, заңды тұлғалар ұйымдары) үкіметтік емес ұйымдармен өзара іс-қимыл саласындағы уәкілетті органға жыл сайын 31 наурызға дейін өз қызметі туралы мәліметтерді ұсынады.
Коммерциялық емес үйымдардың мәліметтер ұсыну тәртібі Қазақстан Республикасы Мәдениет және спорт министрінің 2016 жылғы 19 ақпандағы «Үкіметтік емес ұйымдарымен өз қызметі жөніндегі мәліметтерін ұсыну және олар туралы дерекқорды қалыптастыру қағидаларын бекіту туралы» № 51 бұйрығымен реттеледі.
Жоғарыда аталған Ережелер және Әдістемелік ұсынымдармен ресми сайтта толық танысуға (infonpo.kz), сондай-ақ мәліметтерді электрондық түрде өткізуге болады.
Коммерциялық емес ұйымдардың уәкілетті органдарға мәліметтерді ұсынбауы, уақтылы ұсынбауы, сол сияқты анық емес немесе жалған мәліметтерді ұсынуы үшін әкімшілік жауапкершілік қарастырылған(Қазақстан Республикасының әкімшілік құқық бұзушылықтар туралы кодексінің 489-1-бабы).
Сондай-ақ, Мемлекеттік сатып алуды жүзеге асыру қағидаларына сәйкес (ҚР Қаржы минисрінің 2017 жылғы 22 желтоқсандағы № 739 бұйрығы)ҮЕҰ Дерекқорында мәліметтері жоқ коммерциялық емес ұйым мемлекеттік әлеуметтік тапсырыспен қарастырылған, көрсетілетін қызметтерді мемлекеттік сатып алуға қатысуға жіберілмейді.

 

Қазақстан Республикасында тілдерді дамыту мен қолданудың 2011-2020 жылдарға арналған мемлекеттік бағдарламасының орындалуы бойынша 2017 жылғы 2 - ші тоқсанға арналған ақпарат

2017 жылғы 12 сәуір күні аудандық орталық кітапханада "Тілдарын 2017" конкурсы бойынша іріктеу кезеңі өткізілді. Конкурстың мақсаты - заманауи қоғамдағы жасар арасында үш тұғырлы тіл саясатын насихаттау және үш тілде білім беруді нәтижелі енгізуді көрсету. 
Қазылар алқасының шешімі бойынша Канонерка орта мектебінің ағылшын тілі пәні мұғалімі Әйгерім Болатбекқызы Зейнқабылова ерекшеленіп, облыстық "Тілдарын-2017" конкурсына қатысуға жолдама алды. Конкурсқа белсене қатысқандар ішкі саясат, мәдениет және тілдерді дамыту бөлімі басшысының мадақтамасымен және естелік сыйлықтарымен марапатталды. 
2017 жылғы 28 сәуір күні Өскемен қаласында Шығыс Қазақстан облыстық тілдерді дамыту жөніндегі басқармасының ұйымдастыруымен тілдерді дамыту мен қолданудың 2011-2020 жылдарға арналған мемлекеттік бағдарламасын жүзеге асыру аясында "Алаш" қозғалысының 100 жылдығына орай қазақ, ағылшын, орыс тілдерін меңгерген жастар арасында "Тілдарын -2017" облыстық олимпиадасы өткізілді. 
Аталған олимпиадада Бесқарағай ауданынан Канонерка орта мектебінің ағылшын тілі пәні мұғалімі Әйгерім Болатбекқызы Зейнқабылова қатысты. 
Әйгерім Болатбекқызы 3- ші жүлделі орынға ие болып, ШҚО тілдерді дамыту жөніндегі басқармасы басшысының дипломымен және ұялы телефонмен марапатталды.
2017 жылғы 21 маусымда Өскемен қаласында мемлекеттік қызметшілер арасында «Мемлекеттік тіл – мемлекеттік қызметте» атты облыстық байқау өтті. 
Шығыс Қазақстан облысының тілдерді дамыту жөніндегі басқармасының бастамасымен Қазақстан Республикасының Мемлекеттік қызметші күніне орай ұйымдастырылған шараға қалалар мен аудандардан келген құрама командалары қатысып, Бесқарағай аудандық әкімдігінен «Жүрегім қазақ» командасы қатысты. Команда құрамында аудандық ішкі саясат, мәдениет және тілдерді дамыту бөлімінің бас маманы Қ. Есімбекова, ветеринария бөлімінің бас маманы Т. Еркінов, жер қатынастары бөлімінің бас маманы К. Төлеуов болды. 
Конкурстың мақсаты - мемлекеттік тілдің қолданылу аясын кеңейту және дамыту, мемлекеттік қызметшілерді ынталандыру, мемлекеттік тілді қолданудың беделін арттыру.
Конкурсқа қатысушы командалардың сәлемдесуінен басталған байқау «Жер - судың аты – тарихтың хаты», «Қазақ сөзі», «Үй жұмысы» сияқты кезеңдермен жалғасты. 
Бірінші кезеңде командаларын таныстырған қатысушылар екінші кезеңде Қазақстанның танымал жерлеріне арналған тапсырманы орындаса, үшінші кезеңде тіл жайлы ұлы ойшылдар мен қайраткерлердің, танымал тұлғалардың, ғалымдар мен сөз зергерлерінің даналық ой тұжырымдарын қаншалықты білетіндіктерін көрсетіп, тілдерді дамыту саласын реттейтін нормативтік-құқықтық актілер туралы сұрақтарға жауап берді. 
Үй жұмыс ретінде берілген соңғы кезеңде «Мәңгілік ел – мәртебелі тіл» тақырыбын шағын көріністер арқылы ашып берді. 
Байқау нәтижесі бойынша Бесқарағай ауданының «Жүрегім қазақ» командасы жүлделі 2 орынды иеленді. 
Жеңімпаздар Шығыс Қазақстан облысының тілдерді дамыту жөніндегі басқармасының дипломымен және бағалы сыйлықтармен марапатталды.

Ішкі саясат, мәдениет және
тілдерді дамыту  бөлімінің  басшысы Н.Идрисова 

 

Қазақстан Республикасында тілдерді дамыту мен қолданудың 2011-2020 жылдарға арналған мемлекеттік бағдарламасының орындалуы бойынша 2017 жылғы І- ші тоқсанға арналған ақпарат

Бесқарағай аудандық ішкі саясат, мәдениет және тілдерді дамыту бөлімімен Тілдерді дамыту мен қолданудың 2011-2020 жылдарға арналған мемлекеттік бағдарламасы және Елбасының Қазақстан халқына арнаған Жолдауында белгіленген міндеттерді орындауға байланысты 2017 жылғы І- ші тоқсанда маңызды жұмыстар атқарылды. 
2017 жылғы 14 ақпан күні тілдерді оқыту орталығында облыстық "Тіл -парасат" конкурсына қатысатын үміткерді іріктеу мақсатында тур өткізілді. Қазылар алқасының шешімі бойынша Бесқарағай колледжінің 3 курс студенті Валентина Андреева облыстық "Тіл- парасат" конкурсына қатысуға жіберілді.

2017 жылғы 28 ақпан күні Өскемен қаласында "Тіл - парасат" облыстық конкурсы өткізілді. Аталған конкурсқа Бесқарағай ауданынан Бесқарағай колледжінің 3 курс студенті Валентина Андреева қатысты. 
Конкурс нәтижесінде Валентина "Мәнерлеп оқу" сайысы бойынша ерекшеленіп, облыстық тілдерді дамыту жөніндегі басқармасының алғыс хатымен және ынталандыру сыйлығымен марапатталды. Ол Мұқағали Мақатаевтың "Аққулар ұйықтағанда" поэмасын және Мұхтар Шахановтың "Үш бақытым" өлеңін оқыды.
2017 жылғы 13 ақпан айынан бастап ауданда  «Қате жарнамаға жол жоқ» акциясы өткізілді. Жарнама мәтіндерінде жиі кездесетін қателерді шеттету және қателердің алдын алу бойынша іс-шаралар ұйымдастырылды. Кәсіпкерлермен кездесу ұйымдастырылып, «Қазақстан Республикасындағы тіл туралы» Заңының талаптарын түсіндіру жұмыстары жүргізілді. Жастар белсенділік танытып, округ аумағындағ орналасқан барлық сауда нысандарды, дүкендерді,  «Қазпошта» АҚ-ның филиалдарын аралап, жиі кездесетін қателер туралы және тіл туралы заңнамалардың талаптарын бұзұшылардың жауапкершілікке тартылуы туралы ақпараттар таратты. Іс-шараны өткізу мақсаты- ауыл тұрғындардың, жарнама шығарушылардың сыртқы безендіру ақпараттарына назарын аудару және сараптама жасай отырып, жарнама мәтіндерінде қателікті жібермеудің алдын алу.
«Ұлты қазақ азаматтардың тегі мен әкесінің атын жазуға байланысты мәселелерді шешу тәртібі туралы» Қазақстан Республикасы Президентінің 1996 жылғы 2 сәуірдегі №2923 Жарлығын іске асыру мақсатында 2017 жылғы 14 наурыз -14 сәуір аралығында "Тектілікті сақтау - ата  дәстүріміз" атты тақырыппен акциясы  өткізілді. 

28 наурыз күні бөлімнің бас маманы Ә.Қалтаева перзентханадағы емделуші аналарға арналған түсіндірме кеңесін өткізді. Қатысушыларға акцияның мақсаты таныстырылып, буклеттер, жазба  блокноттар  таратылды.      Кеңеске емделуші аналар: Айтчанова Әсел, Санагалиева Әсемгүл, Камзина Меруерт - Бесқарағай  ауылынан, Солтангожина Елена- Беген ауылынан, Шарипова Ирина - Башкөл ауылынан  қатысты.

Ішкі саясат, мәдениет және тілдерді дамыту бөлімінің басшысы Н.Идрисова

 

Mұрағат

kn 2016 ж.  
2015 ж.  
2014 ж.  
Аудандық ішкі саясат, мәдениет және тілдерді дамыту бөлімінің 2013 жылы атқарған жұмыстарының қорытындысы *. doc, 141 Кб

 

Парақтар өзгертілді: 06-03-2018