Ағылшын тілінен аралық сынақ
 2009-2010 оқу жылының жоспарына сәйкес 2010 жылғы ақпан айының 8 күні тілдерді оқыту орталығында ағылшын тілінен аралық сынақ өткізілді.
Аралық сынаққа аудан әкімі аппаратының ұйымдастыру, кадрлық, мемлекеттік - құқық жұмысы бөлімінің, аудандық прокуратура, ішкі саясат, аудандық жұмыспен қамту және әлеуметтік бағдарламалар, ауыл шаруашылығы, кәсіпкерлік және ветеринария бөлімдерінің қызметшілері бекітілген кесте бойынша толығымен қатысты.
Тыңдаушылар жарты жыл бойы алған білімдерін тестілеу, мәтінді ағылшын тілінен қазақ тіліне аудару, диктант сияқты тапсырмалар арқылы көрсетті.
2009-2010 оқу жылындағы ағылшын тілінен аралық сынақ көрсеткіші 79% пайызды құрады.
Тілдерді оқыту орталығының директоры Ү.Мирашева
| 
