Мәдениет

«Бесқарағай ауданының Достық үйі» КММ-нің 2019 жылдың 4 -ші тоқсанда аткарылған жұмыстары бойынша ақпарат

«АНА ЖҮРЕГІ»
Достық үйінде аудандық Аналар кеңесінің ұйымдастыруымен мейрімділік айлығының шеңберінде «Ана жүрегі» атты іс-шарасы өткізілді.
Іс-шараны өткізуге аудандық ішкі саясат, мәдениет және тілдерді дамыту бөлімі, тілдерді оқуты орталығы, жастар рсурстық орталығы және аудандық мәдениет үйі тартылды.
Осы іс-шара әр санаттағы әйелдерді қамтып, онда «Алтын алқа», «Күміс алқа» -мен марапатталған көпбалалы аналар да қатысты.
Аналар кеңесінің мүшелері сыйлы аналарға салтанатты түрде аналық мейірімділіктің нышаны –ақ орамалды иықтарына жапты.
Тілдерді оқыту орталығы латын алфавитін меңгеруге арналған қызықты ойын түрінде викторина өткізді. Барлық қатысушылармен олардың ортасында Борас орта мектебінің 10-шы сынып оқушылары Ұлы ақынның 175-жылдығына арнап Абайдың әнін орындады.
Іс-шара барысында Қазақстан халқы Ассамюлеясының «Бата» акциясының шеңберінде 80 жастағы Саруижамал әже қатысушыларға және жас қыздарға батасын берді.

OKTOBERFEST-2019
Жастар жылы аясында Аудандық Достық үйінде жыл сайынғы неміс "Oktoberfest-2019"егін мерекесі өтті. Іс-шараға Борас орта мектеп – бақшасының оқушылары, Бесқарағай колледжінің студенттері, сондай-ақ Семей қаласының "Возрождение" БҰҰ-ның "Clueck" неміс жастар клубы қатысты.
Қонақтар неміс ұлттық тағамдарын дәм татып, олардың тарихы мен жасалуы туралы әңгімеледі. Би сайысында қатысушылар қонақтарды және бір-бірін жағымды, жарқын және көтеріңкі көңіл-күймен қуаттады.
"Возрождение" БҰҰ-ның "Clueck" неміс жастар клубының жетекшісі Горбачева Мария барлығын мерекемен құттықтап, Бесқарағай ауданының неміс этномәдени бірлестігімен көп жыл бойы тығыз ынтымақтастық пен достықта екенін атап өтті.

ҚАРТТАР ҮЙІНДЕ
Бесқарағай ауданының Достық үйі қайырымдылық айлығы аясында. Ағымдағы жылдың қазан айында Семей қаласындағы Қарттар үйіне көшпелі концерт ұйымдастырылды.
Қарттар мен мүгедектерге арналған мерекелік бағдарлама ұйымдастырылып, Достық үйі мен мәдениет үйінің шығармашылық ұжымдары көңілді әндер мен билерді орындады. Залдағы көрермендер үлкен ықыласпен таныс әндерді шырқап, әр әртіске қол шапалақтап, "Браво!"- деп қошемет көрсетті.
Қазақстан халқы Ассамблеясының "Бата" акциясы аясында 92 жастағы ақсақал Мутукен Қапанұлы барлық қатысушыларға батасын беріп, бесқарағайлықтарға жүрек жылуын және сый-құрмет сыйлағаны үшін алғысын білдірді.
Бесқарағайлықтар Қарттар үйінен кетерде жүректері сыздап, жалғыздықтың күйіне енгендей көздеріне жас келді, бірақ сол уақытта ерекше жылулық, мейірімділік пен көтеріңкі көңіл сыйлағандарына қанағаттанды.
Осындай кездесулерден кейін жан дүниең: "Адамдар! Әр үйде ата-аналар үшін ең құрметті орын болсын! Тек осындай отбасында ғана бақыт пен нағыз отбасы бақыты болады!» деп мазаланады.

ҚАЙЫРЫМДЫЛЫҚ АЙЛЫҒЫ АЯСЫНДА АНАЛАР КЕҢЕСІНІҢ БАСТАМАСЫМЕН БЕГЕН АУЫЛДЫҚ ОКРУГІНДЕ "АНА ЖҮРЕГІ" АТТЫ ІС-ШАРА ӨТКІЗІЛДІ
Қайырымдылық айлығы аясында аналар кеңесінің бастамасымен Беген ауылдық округінде "Ана жүрегі" атты іс-шара өткізілді. Іс-шара "Алтын алқа", "Күміс алқа" алқалары бар көп балалы аналарға арналды. Барлық қатысушыларды аудандық Аналар кеңесінің төрайымы Р. Н. Кисамиева құттықтап, жылы лебіздерін білдірді. Мерекенің әрбір кейіпкерін көрермендерге өмірлік жолы мен жетістіктерін, сондай-ақ балаларымен, немерелерімен мен шөберелерімен мақтай баяндай отырып, ду қол шапалақтап, қошеметтеп қарсы алды.
Құрметті әжелерге әндер, билер, жақсы тілектер арналды. Іс-шара соңында қазан айында Қазақстан халқы Ассамблеясының "Бата" қайырымдылық акциясы ұйымдастырылды.
Іс-шараға қатысушылар ұзақ уақыт бойы көңіл көтеріп, жылылық пен қуаныш сыйлағандары үшін алғыстарын білдірді.

"АД МІНАЛУГА ДА СУЧАСНАГА" АТТЫ БЕЛОРУС МӘДЕНИЕТІНІҢ ФЕСТИВАЛІ ӨТТІ
"Рухани Жаңғыру" бағдарламасы аясында Өскемен қаласында "Ад міналуга да сучаснага" атты белорус мәдениетінің Республикалық фестивалі өтті, оған Бесқарағай ауданынан Канонерка ауылдық округінің славян этномәдени бірлестігінің "Воскресение" вокалдық тобы қатысты. Залдағы көрермендер жерлестеріміздің орындаушылық шеберлігін жоғары бағалады. Фестиваль соңында вокалдық топ дипломмен және ақшалай сертификатпен марапатталды. Біздің ұжымға келешекте шығармашылық табыстар тілейміз!

ЖЕТІЖАРДА ӨТКЕН «5- ЖАҚСЫ» АУДАНДЫҚ АКЦИЯСЫ
2019 жылғы 6 қараша күні Жетіжар ауылдық округінің Жетіжар ауылында «Ана жүрегі» атты мерекелік іс-шара өткізілді. Мерекеге Бесқарағай ауданы Аналар кенесінің төрайымы Кисамиева Руфия Ногайшинқызы, Жастар орталығының директоры Жан Әлжанов, Мәдениет үйінің әртістері, Достық үйінің ұжымы қатысты Іс-шара барысында Жетіжар ауылының көп балалы аналарымызды арнайы мақтау қағазымен марапаттап, ақ жаулықтар сыйға тарту етілді. Аяулы әжелер Мәдениет үйінің ұжымы мен Семияр орта мектебі оқушыларының концерттік бағдарламасын тамашалады. Өз құттықтауымен қоса ата-аналар туралы әнімен округіміздің жезтаңдай әншісі Адиба Фазлиахметқызы өз өнерін паш етті. Сонымен қатар «Бес жақсы» акция аясында «Манап и К» ЖШС басшысы Жумагазин Қаирбек Манапұлы алғыс хатпен марапатталды.

«АНА ЖҮРЕГІ»
Бесқарағай ауданының Аналар кеңесінің бастамасымен «Ана жүрегі» іс- шарасы 13 қараша күні Баскөл ауылдық округінің Қарағайлы ауылында өтті. Мерекеге аудандық Аналар кеңесінің төрайымы Р. Н. Кисамиева, аналар кеңесінің мүшелері және Нұр- Сұлтан қаласы «Nur Otan» партиясының саяси менеджменті мектебі директорының орынбасары С.С. Бактымбет қатысты. Аналар кеңесі аяулы аналармен, асыл әжелерге қошемет көрсетіп, ақжаулықтар тарту етті. Іс-шара барысында Қазақстан халқы Ассамблеясының "Бес жақсы" қайырымдылық акциясы аясында Қарағайлы ауылының жанашыры, демеушісі, жеке кәсіпкер М.М. Елюбаева алғыс хатпен марапатталды.

"АҚ ОРАМАЛ"
22 қараша күні Бөдене ауылында Аналар кеңесімен ұйымдастырылған дәстүрлі түрде өткізіліп жатқан "Ақ орамал" мейірімділік іс- шарасы өтті. Аталған іс-шараға аудан әкімі Шалқар Заманбекұлы Байбеков қатысты. Іс - шара барысында ауылдың ақ жаулықты аналарын құрметтеп құттықтап, естелік сыйлықтар табыстап, Мәдениет үйінің әртістерімен мерекелік концерттік бағдарлама көрсетілді. Естен кетпес тамаша іс- шараға аналар қауымы алғыстарын білдіріп, көпті көрген 90 жастағы анамыздың батасын алып қайтты.

БЕСҚАРАҒАЙ АУДАНЫНЫҢ ӘКІМІ Ш. З. БАЙБЕКОВТЫҢ ЭТНОМӘДЕНИ БІРЛЕСТІКТЕР МҮШЕЛЕРІМЕН КЕЗДЕСУІ ӨТТІ
Достық үйінде Бесқарағай ауданының әкімі Ш. З. Байбековтың этномәдени бірлестіктер мүшелерімен кездесуі өтті. Кездесу барысында аудан әкімі аудан дамуының бірінші кезектегі және перспективалық жоспарларымен бөлісті, ауылдық округтерге танысу сапарында белгіленген ауылдардың бірқатар мәселелері мен міндеттерін атап өтті. Өз кезегінде әр этномәдени бірлестік, сондай-ақ Аналар кеңесі мен "ДосStar" жастар клубының мүшелері өз қызметі туралы қысқаша презентациялар жасап, шығармашылық ұжымдар музыкалық нөмірлермен қуантты. Достық үйінің белсенділері ауданның жаңа басшысын Бесқарағайдың одан әрі дамыту жоспарын іске асыруға, сондай-ақ олардың ауданда бейбітшілік, тұрақтылық пен келісімді сақтауға үлестерін қосуға сенімдерін білдірді.

ӨНДІРІС АУЫЛЫНДА «АНА ЖҮРЕГІ» МЕРЕКЕЛІ ІС-ШАРА
Бесқарағай ауданының Аналар кеңесінің бастамасымен «Ана жүрегі» іс- шарасы 9 желтоқсан күні Қарабас ауылдық округінің Өндіріс ауылында өтті. Мерекеге аудандық Мәслихат хатшысы Садыков К.К., аудандық Аналар кеңесінің төрайымы Р. Н. Кисамиева, қатысты. Аналар кеңесі аяулы аналармен, асыл әжелерге қошемет көрсетіп, ақжаулықтар тарту етті. Іс-шара барысында желтоқсан айының Қазақстан халқы Ассамблеясының "Кәде" қайырымдылық акциясы аясында Өндіріс ауылының жас спортшысы, жаттықтырушы Тоқанов Арнұр Маратұлы алғыс хатпен марапатталды.

«АНА ЖҮРЕГІ»
Желтоқсанның 23 күні Глуховка ауылында Бесқарағай ауданының Аналар кеңесінің бастамасымен "Ана жүрегі"- "Сердце матери" атты іс-шара өтті.
Мерекеге аудандық Аналар кеңесінің төрайымы Р. Н. Кисамиева, Аналар кеңесінің мүшелері, еңбек ардагері Т. Н. Глазинский және Глуховка ауылдық округінің әкімі А. Т. Тастенбеков қатысты. Бесқарағай ауданының Достық үйінің әртістерінен ән, би, ізгі тілектер мереке қонақтарына, көп балалы қарт аналарға арналды.
Іс-шара барысында Қазақстан халқы Ассамблеясының "Кәде" қайырымдылық акциясы аясында Глуховка ауылының демеушісі, "Бепен" ШҚ басшысы С. П. Аринтаев алғыс хатпен марапатталды.

ЖАҢА ЖЫЛ МЕРЕКЕСІ ДОСТЫҚ ҮЙІНІҢ БАРЛЫҚ ДОСТАРЫН ЖИНАДЫ.
Ағымдағы жылдың 25 желтоқсаны күні "Мир" кафесінде Аудандық Достық үйінің күнтізбесіне енген католиктер Рождествосы мерекесі неміс мәдениетін дамытуға, дәстүрлерді, әдет-ғұрыптар мен тілдерді жаңғыртуға, ең бастысы аудан тұрғындары арасында бейбітшілік пен келісімді сақтауға ықпал ететін маңызды іс-шара ретінде аталып өтті. Мерекеге қатысушылар Католиктер Рождествосының ежелгі дәстүрлері туралы көбірек біліп, оның мейірімділік пен жарық рухына еніп, оның тарихымен танысты.
Іс-шараға аудан әкімі Ш. Байбеков қатысып, барлық католиктер Рождествосымен және келе жатқан Жаңа жылмен құттықтады. Ауданда мереке жаппай жарқын және көңілді өтті. Жеті ауылдық округтен келген қатысушылармен қатар дәстүрлі түрде іс-шараға әр түрлі этномәдени бірлестіктердің мүшелері қатысты. "ДосStar" жастар клубының мүшелері мерекенің негізгі ұйымдастырушылары болды. Көрермендерге олардың Рождестволық вальсі және жаңа жылдық әндер ұнады. Іс-шараның жалғасы Жаңа жылдық корпоратив және этномәдени бірлестіктер мүшелерінің жаңа жылдық құттықтаулары болды, аудандық Достық үйінің директоры М. Р. Абылгазинова бірлесе атқарылған табысты жұмысы үшін алғысын білдіріп, жаңа жылдық кәдесыйлармен марапаттады.

Достық үйі

Достық үйі

Достық үйі

Достық үйі

Достық үйі

Достық үйі

Достық үйі

«Бесқарағай ауданының Достық үйі» КММ-нің директоры М. Абылгазинова

 

«Бесқарағай ауданының Достық үйі» КММ-нің 2019 жылдың 3 -ші тоқсанда аткарылған жұмыстары бойынша ақпарат

«САБАНТУЙ-2019»
Ағымдағы жылдың 30 маусымы күні Бесқарағай ауданының Башкөл ауылында «Шабра тугай» саябағының аумағында «Башкуль» татар мәдени орталығының 40 жылдығына арналған Жастар жылын мерекелеу аясында аудандық «Сабантуй-2019» атты татар мерекесі өтті. 
Барлық жерлестерімізді аудан әкімі Д. Б. Батырбаев құттықтап, мерекенің құрметті қонақтарын: Татарстан келген қонақтарды, ШҚО Қазақстан халқы Ассамблеясының бас маманы Т. И. Черненконы, Жарма, Глубокое, Бородулиха аудандарының, Курчатов қаласының өкілдерін, татар этномәдени бірлестігі мен Семей қаласының татар өнер мектебінің тәрбиеленушілерін қарсы алды. Мерекеге Қытайдан, Германиядан және Нұр-Сұлтан, Алматы, Қарағанды қалаларынан келген қонақтар қатысты. Сахнада Қазан қаласынан келген еңбек сіңірген әртіс Гузель Маликова, «Татар моңы» Халықаралық фестивалінің лауреаты, «Созвездия» халықаралық байқауының лауреаты Рамиля Зиннатуллина, Семей қаласының Татар өнер мектебінің директоры Г. Ахунжанов, ауданның этномәдени бірлестіктері мен аудандық Мәдениет үйі әртістерінің қатысуымен мерекелік концерт өтті. Саябақ алдында ауылдық округтер мен дербес бөлімдердің 5 мерекелік киіз үйі, қайырымдылық дастархандармен шатырлар орнатылды, мерекелік жәрмеңке ұйымдастырылды.
ҚАЗАҒЫМНЫҢ ҚАЗЫНАСЫ – ДОМБЫРА
«Домбыра – қазақтың бренді мен паспорты, ешкімге ұқсамайтын қайталанбас келбеті, - деп Тұңғыш Президентіміз Н.Назарбаев айтқан еді. –Қазақ халқы домбыраны құрметті орында сақтап, күйшілерді құрметті қонағы ретінде жоғары бағалаған. Бұл игі іс әлі де жалғасын табуда. Аудандық кітапханада Достық үйімен бірлесе отырып домбыра күніне арналған «Қазағымның қазынасы – домбыра» атты әдеби-музыкалық қонақжай өтті. Іс-шараға үлкендер мен балалар шақырылды. Бастапқыда кітапханашылар қатысушыларға домбыра туралы, оның қазақ халқының қасиетті аспабы екендігі жайлы әңгімелеп берді. Достық үйінің маманы Г. Бактаева домбыраның пайда болуы туралы аңызын айтып, «Салтанат», «Мұңлық –Зарлық» күйлерінің шығу тарихы туралы бейнебаян көрсетілді. Әдеби сазды қонақжай қонақтары Мәдениет үйінің әншісі Мотышев Еркін, саз мектебінің әдіскері, мұғалім Каримов Айдар, этно-мәдени бірлестігінің мүшесі Қонкаева Нургайша және ең жас домбырашы Бекболат Мейрлан қазақтың белгілі күйлері мен ән, термелерін орындады
ЕЛ АСТАНАСЫ – НҰР-СҰЛТАН
Ағымдағы жылдың 5 шілдесі күні аудандық Мәдениет үйінде Қазақстан Республикасының астанасы күніне арналған «Ел астанасы – Нұр-Сұлтан» атты мерекелік іс-шарасы өткізілді. Салтанатты іс-шара Бесқарағай ауданы әкімінің орынбасары Б.Ж.Баталовтың құттықтау сөзімен ашылды. Салтанатты іс-шара аясында «Жомарт жүрек» аудандық конкурсының номинаттарына дипломдар мен естелік сыйлықтар табысталды. Іс-шара Балалар өнер мектебінің оқушылары, аудандық Мәдениет үйінің әртістері және этномәдени бірлестіктердің өкілдерімен дайындалған мерекелік концертпен жалғасты.

Ағымдағы жылдың 17 шілдесі күні Бесқарағай ауданының Достық үйіне жұмыс сапармен  Алтай аймағы ШҰАА, Каба, Бурчун, Цаймунай уездерінен Қытай Халық Республикасының делегаттары келді. Іс-шараға аудан әкімінің орынбасары, бөлім өкілдері: экономика бөлімі, кәсіпкерлік және ауыл шаруашылығы бөлімі, жер қатынастары бөлімі, этномәдени бірлестіктердің мүшелері, жастар және БАҚ қатысты. Аудан әкімінің орынбасары Б. Ж. Баталов делегациямен кездесу өткізіп, ауданда жүргізіліп жатқан жұмыстармен таныстырды және Достық үйінің директоры М. Р. Абылгазинова Достық үйінің жұмысы туралы айтып, мұражай кабинеттеріне экскурсия жүргізді. Кездесу соңында Мәдениет үйінің әртістері «Дударай» және «Жасмин» әндерін орындады.
«БІРЫҢҒАЙ МЕДИАЦИЯ КҮНІ» АЯСЫНДАҒЫ ӨТКЕН ДӨҢГЕЛЕК ҮСТЕЛ
Ағымдағы жылдың 5 тамызы күні аудандық Достық үйінде "Бірыңғай Медиация күні" аясында дөңгелек үстел өткізілді. Іс-шараға қатысушылар Бесқарағай аудандық сотының төрағасы А.Б. Калиевтың баяндамасын тыңдады, медиаторлардың жұмыс тәжірибесімен бөлісіп, туындайтын мәселелер бойынша пікір алмасты, сондай-ақ қатысушылар арасында сауалнама жүргізілді.
Ауылдық округтердің медиаторлар тізімін кеңейту, ағымдағы жылдың қыркүйек айында медиаторлармен семинар өткізу туралы шешім қабылданды. 
Облысымыздың Достық Үйлері арасындағы өтетін жыл сайынғы облыстық байқауда аудандық Достық үйі "Ең үздік медиация кабинеті" номинациясы бойынша марапатталғанын атап өту керек. Сондай-ақ, бүгін облыс орталығында қалалар мен аудандардағы кәсіби және кәсіби емес медиаторлардың қатысуымен отырыс өткізілді. Осы іс-шарада Бесқарағай ауылының кәсіби емес медиаторы Р.Н. Кисамиева алғыс хатпен марапатталды.
«АЛТЫН БАУЫРСАҚ-2019»
10 қыркүйек күні Бесқарағай ауданының М-Владимировка ауылында "Рухани жаңғыру" бағдарламасын жүзеге асыру аясында Отбасы күніне арналған "Алтын бауырсақ" аудандық фестивалі өтті. Осы іс-шара Бесқарағай ауданының Достық үйі жанындағы Аналар кеңесінің бастамасымен өткізілді. Әр ауылдық округ фестивальға белсене қатысып, ауыл тұрғындары мен қонақтарын мерекенің басты тағамы бауырсақтың алуан-түрімен, молшылығымен таң қалдырды.
Қатысушылар шеберлік көрсету барысында дайындық құпиясымен бөлісті, үлкеннен кішіге дейін барлығын ыстық, дәмді, шын мәнінде "алтын" бауырсақпен дәм таттырды.
Достық үйінің белсенділері мен ауылдық округтердің көркемөнерпаз әртістері көрермендерді шығармашылық өнерлерімен қуантты.
Әуен, көңіл көтеру, дәм тату, хош иісті бауырсақтар мен қайнаған самаурындардың жеңіл түтіні - осының барлығы ауыл аумағын жылы және мейірімді әуемен қамтыды. Көрермендер жағымды эмоциялар мен жақсы көңіл-күйді тежемей, биге шықты.

ҚАЙЫРЫМДЫЛЫҚ ІС –ШАРА.
2019 жылғы 12 қыркүйек күні Семей қаласының «Возрождение» неміс қоғамдық ұйымымен ынтымақтастық аясында қайырымдылық акциясы өтті. Бесқарағай колледжінің акт залында бірлестіктің шығармашылық топтарының қатысуымен театрландырылған қойылым қойылды.
Көрермендер жас әртістердің ойынын үлкен қошеметпен қол шапалақтап, үлкен қызығушылықпен қарады.
Мәдени бағдарламадан кейін неміс ұлтының әлеуметтік әлсіз өкілдеріне гуманитарлық көмек көрсетілді. Қайырымдылық шарасы барысында 66 отбасы жалғыз басты және қарт адамдар, мүгедектер мен көп балалы отбасыларға азық-түлік пакеттерін алды. сонымен қатар Аудан тұрғындарының атынан аудан әкімінің орынбасары Б.Баталов пен Достық үйінің директоры М.Абылғазинова ынтымақтастық және достық тілекпен алғыс білдірді.

Достық үйі

Достық үйі

Достық үйі

Достық үйі

Достық үйі

Достық үйі

Достық үйі

«Бесқарағай ауданының Достық үйі» КММ-нің директоры М. Абылгазинова

 

«Бесқарағай ауданының Достық үйі» КММ-нің 2019 жылдың 2 -ші тоқсанда аткарылған жұмыстары бойынша ақпарат

«OSTERN» КАТОЛИКТІК ПАСХАСЫ
Ағымдағы жылдың 21 сәуірі күні ауданның неміс этномәдени бірлестігінің өкілдері Семей қаласының «Возрождение» қоғамдық бірлестігіне барып, католиктік Пасханы атап өтті.
Мерекелік іс-шара қалалық Мәдениет үйінде өткізіліп, онда файе-де мерекенің ұлттық мәнімен көрме ұйымдастырылды, Пасха тағамдарынан түрлі композициялар ұсынылды, барлық этномәдени бірлестіктер бір-бірін мерекемен құттықтап, өздерінің шығармашылық өнерлерін көрсетті. Әндер, әзілдер, ойындар мен құттықтаулар айтылды.
Мереке соңында «Возрождение» қоғамдық бірлестігінің директоры Л.П. Гончарук барлық қатысушыларды құттықтап, біздің Қазақстанға бейбітшілік пен келісімде гүлденуін тіледі. Аудан делегациясына ынтымақтастық пен достық үшін ерекше алғыстарын білдірді.

БЕСҚАРАҒАЙЛЫҚТАР ПАСХА МЕРЕКЕСІН ҚАРСЫ АЛУДА
Ағымдағы жылдың 29 сәуірі күні Канонерка ауылының Мәдениет үйінде православтық Пасха мерекесіне арналған іс-шара өтті.
Іс-шараға Канонерка ауылдық округінің әкімі К. К. Ипанов, ауданның этномәдени бірлестіктері және ауылдық округтердің өкілдері қатысты.
Ауданның этномәдени бірлестіктері біздің ауданда аталып өтетін барлық ұлттардың мерекелеріне қатысуылары жақсы дәстүрге айналып отыр.
Бүгінгі күні барлық православиялық қауымдарды славян бірлестігінің төрағасы В. С. Родионов, неміс этномәдени бірлестігі, «Асыл Әжелер» қазақ вокалдық тобы және Бесқарағай ауылдық округінің Ардагерлер Кеңесінің төрағасы Т. Т. Тоқсеитов құттықтады.
Ауданның славян этномәдени бірлестігінің жарқын көрінісі театрланған әзіл-ысқақты қойылыммен жалғасып, «Воскресение» вокалдық тобының көңілді әндері мен ең жас қатысушы Елизавета Высочкинаның әсерлі биімен жалғастырды.
Мерекелік дастархан жайылып, ән, әзіл және құттықтаулар айтылды.

«БЕРЕКЕ БАСТАУЫ – БІРЛІК!»
Ағымдағы жылдың 1 мамыры күні ауданның орталық алаңында Қазақстан халқының Бірлігі күні мерекесіне және «Nur – Otan» партиясының 20 жылдығына арналған «БЕРЕКЕ БАСТАУЫ – БІРЛІК!» атты мерекелік іс-шара өтті.
Мерекелік іс-шара ұйымдар мен мекемелер ұжымдарының, этномәдени бірлестіктер мүшелерінің, ауыл тұрғындарының салтанатты шеруімен басталды. Ұжымдар мерекелік ұрандары мен транспаранттары бар ұлттық костюмдерде, ұлттың тұрмыс-тіршілігін, мәдениетін көрсетуге тырысты. Әсіресе, әр түрлі ұлт өкілдері еңбек ұжымдарының шығармашылық нөмірлері айқын және әсем көрсетілді.
Аудандық Аналар кеңесінің мүшелеріне салтанатты түрде төсбелгі мен ана мен саулықты бейнелейтін ақ орамал табысталды.
Аудан тұрғындары мен қонақтары үшін «Достық дастарханы» атты мерекелік қайырымдылық дастарханы жайылды. Әр ұлт қонақтарды ұлттық тағамдармен дәм таттырып, дайындау мәзірін түсіндіріп, ұлтының калоритіне сай безендірді. Әр ұжым номинациялар бойынша алғыс хаттармен және естелік сыйлықтармен марапатталды.

ОТБАСЫ – ЫРЫСТЫҢ ҰЙТҚЫСЫ
Ағымдағы жылдың 15 мамыры күні аудандық Достық үйінде Халықаралық Отбасы күніне арналған ток шоу түрінде жарқын және қызықты іс-шара өтті.
Іс-шараның кейіпкерлері Қалымжановтар отбасы, оларға мереке қарсаңында «алтын той - 50 жыл», 7 баланы тәрбиелеп отырған көп балалы Ревиндер отбасы және жас жұбайлар Молдатаевтар отбасы болды.
Барлық қатысушыларды аудан әкімінің орынбасары Б. Баталов, аудандық Аналар кеңесінің төрайымы Р. Н. Кисамиева құттықтады.
«ДосStar» жастар клубының мүшесі Е. Меркулованың жеміс – жидек және көкөніс канапесын дайындау бойынша мастер-классы, Қалымжановтар көп жылдық мықты отбасының «Алтын той» символын Молдатаевтар отбасына табыстау рәсімі, көп балалы Ревиндер отбасының балалары үшін Аналар кеңесінің мүшелерінен тәтті сыйлықтар тарту етуі, құттықтаулары, ойындары, әзілдері, концерттік нөмірлер - осының бәрі көрермендерді, іс-шараға қатысушыларды қуанышқа бөледі.
Іс – шара 80 жасқа толған К. С. Шайгумарованы мерейтойымен құттықтаумен және қатысушылардың бірі - З. М. Жекибееваның даналық және өмірлік тәжірибесімен берген ізгі тілектермен, ақ батасымен аяқталды.

«Бесқарағай ауданының Достық үйі» КММ-нің директоры М. Абылгазинова

 

«Бесқарағай ауданының Достық үйі» КММ-нің 2019 жылдың I-ші тоқсанда аткарылған жұмыстары бойынша ақпарат

«РОЖДЕСТВО ЕСІК ҚАҒАДЫ»
Ағымдағы жылдың 9 қаңтары күні Канонерка ауылының Мәдениет үйінде Рождество мерекесі аталып өтті.
Мерекенің ұйымдастырушылары "ДосStar" жастар клубы ауылдық округтердің шығармашылық ұжымдарының музыкалық құттықтауларымен, ойындармен, Рождестволық дәстүрлермен және салт-дәстүрлермен ойын-сауық бағдарламасын жүргізді.
Ауданның славян этномәдени бірлестігінің жарқын қойылымын "Рождественский диктант" театрланған әзіл қойылымы, "Воскресение" вокалдық тобының көңілді әндері, ең жас қатысушылар Елизавета мен Алексей Высочкиндердің әсерлі билерімен жалғастырды.

ЕСКІ ЖАҢА ЖЫЛҒА АРНАЛҒАН КЕШ
2019 жылғы 13 қаңтар күні аудандық Мәдениет үйінде Жастар ресурстық орталығы «Жас Отан» жастар қанатымен бірлесе Ескі жаңа жылға арналған кеш ұйымдастырылды. Мерекелік кешке аудан әкімінің орынбасары Б.Ж.Баталов құттықтау сөздерімен келді.
Аталған іс- шараға «ДосStar» жастар клубы өздерінің концерттік бағдарламаларымен өнер көрсетті, содан кейін аудан орталығының студенттері мен жоғары сынып оқушыларына арналаған би кеші өтті. Іс- шара барысында ойын- сауық конкурстары мен ойындар өткізілді.

ҚАЗАН ҚАЛАСЫНАН ЖҰМЫС САПАРМЕН
Ағымдағы жылдың 17 қаңтары күні Татарстан Республикасының ТНВ телеарнасының журналистері жұмыс сапарымен ауданға келді. Қазан қаласынан келген журналист Тансылу Насырова Бесқарағай ауданындағы және тұтастай алғанда Қазақстандағы ұлтаралық тұрақтылықты сақтау және дамыту жөніндегі белсенді жұмыстарына таң қалды.
Сапардың басты мақсаты - татар халқының ана тілін, мәдениетін, салт-дәстүрін сақтау салаларындағы қоғамдық бірлестіктердің жұмысы туралы әртүрлі елдердегі татарлардың өмірімен танысу. Қонақтарға мұражай бөлмелеріне экскурсия ұйымдастырылып, мұражай бөлмелерінде әрбір этномәдени бірлестіктің өкілі қонақтарды салт-дәстүріне сәйкес қарсы алды. Оларға Достық үйінің жұмысына арналған слайд презентациясы көрсетілді. Сапар барысында Башкөл ауылында татар этномәдени бірлестігі мүшелерінің қатысуымен сауалнама жүргізілді.

"КРЕЩЕНИЕ ГОСПОДНЕ" АҚПАРАТТЫҚ САҒАТ
Ағымдағы жылдың 21 қаңтары күні аудандық Достық үйінде Борас орта мектеп-бақшасының 8-сынып оқушыларына, славян бірлестігінің өкілдеріне "Крещение Господне" атты ақпарат сағаты өткізілді. Іс-шара православиелік Крещение мейрамымен танысу, орыс халқының салт-дәстүрлеріне құрметпен қарауды қалыптастыру мақсатында өткізілді.
Қатысушыларға қасиетті су және тілектер орындалатын тәтті бәліш ұсынылды.
Іс-шара, көңілді өлеңдер, қызықты жұмбақтар, крещение әдет-ғұрыптарының бейнетаспасын тамашалаумен аяқталды.

МЕРЕЙ ТОЙ ИЕЛЕРІН ҚҰТТЫҚТАУ
2019 жылғы 22 қаңтарда Ардагерлер үйінде аудан әкімінің орынбасары Б. Ж. Баталовтың, Бесқарағай ауылдық округінің әкімі Р. Б. Байғабыловтың, облыстық мәслихаттың депутаты Т. Е. Әділевтің, ішкі саясат және тілдерді дамыту бөлімінің басшысы А. М. Қалтаеваның, Бесқарағай ауылдық округінің ардагерлер кеңесінің төрағасы Т. Т. Тоқсеитовтың және Достық үйінің директоры М. Р. Абылғазинованың қатысуымен округ мерейтой иелерін құттықтау салтанатты іс-шарасы өткізілді. Аудан әкімі Д.Б. Батырбаевтың және ауылдық округі әкімінің алғыс хаттары табыс етілді.
80-жасқа толған Галина Дмитриевна Баюн, Қауа Бейсенбайқызы Даулетханованың 70 жасқа толған мерейтойымен құттықтап, оларға денсаулық, бақыт, ұзақ өмір, отбасылық амандық тіледі.

СЕМИНАР- ТРЕНИНГ
Ағымдағы жылдың 1 ақпаны күні аудандық Достық үйінде "Толеранттылық" тақырыбында семинар-тренинг өткізілді. Іс-шара Борас орта мектеп-бақшасының 10-11 сынып оқушыларымен өткізілді және төзімділікті, оның мәні мен ұстанымдарын жас ұрпақтың бойына тәрбиелеуге бағытталған. Аталған семинар-тренинг Жастар жылына арналған іс-шаралар жоспарын жүзеге асыру аясында ұйымдастырылды. Осындай іс-шараларды колледж студенттерімен және ауыл жастарымен өткізу жоспарланып отыр.
МЕРЕЙ ТОЙ ИЕЛЕРІН ҚҰТТЫҚТАУ
2019 жылғы 14 ақпан күні Достық үйінде «Нұо Отан» партиясыныә Бесқарағай аудандық филиалы төрағасының бірінші орынбасары Б.У.Омаров, Бесқарағай ауылдық округі әкімінің м.а. Е.А.Шахворостовтың, Бесқарағай ауылдық округінің ардагерлер кеңесінің төрағасы Т. Т. Тоқсеитовтың және Достық үйінің директоры М. Р. Абылғазинованың қатысуымен округ мерейтой иелерін құттықтау салтанатты іс-шарасы өткізілді. Аудан әкімі Д.Б. Батырбаевтың және ауылдық округі әкімінің алғыс хаттары табыс етілді. 65-жасқа толған Оразбек Токежанович Агибаев, 70 – жасқа толған Мукарам Кусекенова және Бейсенбай Касенович Бытебаев 75 жасқа толған мерейтойымен құттықтап, оларға денсаулық, бақыт, ұзақ өмір, отбасылық амандық тіледі.

«АУҒАНСТАН- ЕСІМДЕ ҚАЛҒАН ЖАНЫМНЫҢ ЖАРАСЫ»
"ДосStar" жастар клубының бастамасымен ардагерлер үйінде Ауғанстаннан әскердінің шығарылғанына 30 жыл толуына арналған "Ауғанстан- есімде қалған жанымның жарасы" атты әскери – патриоттық іс-шара өтті. Кездесуге аудан әкімінің орынбасары Б. Ж. Баталов, интернационалист-ардагерлер, этномәдени бірлестік өкілдері және Борас орта мектеп-бақшасының жоғары сынып оқушылары қатысты.
Жастар клубының мүшелері ауған ардагерлерін «Демалғанда» атты шағын қойылым көрсету көрінісін көрсетті. Өз кезегінде жеке кәсіпкер Ж.Т.Адильева Қазақстан халқы Ассамблеясының бастамасымен басталған «Сыбаға» қайырымдылық акциясымен қарсы алды. Іс-шара барысында қатысушылар ауған соғысында қаза тапқандарды бір минут үнсіздікпен еске алды, кешке қатысушы жастарды батыр ардагерлердің ерлік істерімен таныстырылды. Ауған әндері орындалды.
"ДосStar" жастар клубының мүшелері бастамасымен «Шайқас алаңынан –Ғажайыптар алаңына» атты интелектуалдық ойынын өткізді, онда екі командалық топ қатысты: ауған жауынгерлері мен жастар.

«БІЗ ЖАСТАР- БҮКІЛ ӘЛЕМДЕГІ БЕЙБІТШІЛІК ҮШІН»
Ағымдағы жылдың 21 ақпаны күні аудандық Мәдениет үйінде «Жастар жылының» салтанатты ашылу рәсімі өтті. «ДосStar» жастар клубының мүшелері Жастар жылы аясында аудандық форумда «Біз жастар – бүкіл әлемдегі бейбітшілік үшін» атты көркем композициямен өнер көрсетті. Композицияның басты мақсаты - бейбітшілік пен келісімді сақтау үшін жастардың ұйымшылдығын көрсету. Осылайша «ДосStar» 20-сы ұлттық киімдерімен, яғни көпұлтты және толерантты клуб құрылғанын айқындады.
Сонымен қатар, жастар клубының белсендісі, «Жас Отан» партиясының мүшесі Ж. К. Бураханова сөз сөйледі.

«МЫҢ АЛҒЫС»
Ағымдағы жылдың 1 наурызы күні аудандық Мәдениет үйінде «Нұр – Отан» партиясының 20 жылдығына арналған «Мың алғыс» атты Алғыс күні салтанатты түрде аталып өтті. Мерекелік концерттің алдында Мәдениет үйінің фойесінде «Ұлы Даланың жеті қыры» Мемлекет басшысының мақаласын насихаттау бойынша көрме ұйымдастырылды. Көрмеде мақала тармақтарына сәйкес тақырыптық аймақтар көрсетілді. Сондай-ақ, этномәдени бірлестіктердің мүшелері «Рахмет» қайырымдылық акциясын өткізді.
Іс-шара ересек топтың «Мың алғыс» және балалардың «Балдәурен» әсем композицияларымен ашылды. Аудан әкімі Д. Б. Батырбаев аудан тұрғындарын Алғыс күнімен, «Нұр Отан» партиясының мерейтойымен, сондай-ақ Қазақстан халқы Ассамблеясы күнімен құттықтады. Іс-шараның өтуі кезінде Өскемен қаласында Достық үйінің директоры М. Р. Абылгазинова облыста 15 Достық үйлері арасында «Ең үздік Достық үйі – «Рухани жаңғыру» жобасын іске асыру көшбасшысы» номинациясын және «Ең үздік медиация кабинеті» номинациясын иеленді.

«САЙРАН САЛ, ҒАЖАЙЫП МАСЛЕНИЦА!»
Ағымдағы жылдың 5 наурызы күні Орталық алаңда «Сайран сал, ғажайып Масленица!» көпшілікпен халықтық мереке өтті.
Іс-шараға ауданның ұйымдары мен мекемелерінің ұжымдары қатысты, олар «Масленицалық қойылым», «Кең тойлау» театрландырылған қойылымдарымен, Ү-Владимировка орта мектебінің педагогикалық ұжымының қатысуымен «Масленица жәрмеңкесі» дайындалды, сонымен қатар Борас орта мектеп-бақшасының ұжымы «Масленицалық әбігерлік» атты жаппай флешмобын дайындады. Ал «Айналайын» балабақшасының ұжымы «кайынбикелер» биін орындады. Ұйымдар мен мекемелердің ұжымдарымен құймақтардың түрлі-түрлі шеруі көрсетілді, сондай-ақ олар «Құймақтар жұмағы» қайырымдылық үстелін ұйымдастырды.
Іс-шара соңында мереке дәстүрі бойынша қарақшыны өртеп, барлық қатысушылар достықта қол ұстасып, дөңгелене айналды.

«ӘЙЕЛ БАҚЫТЫ – ҚОҒАМ АЙНАСЫ!»
Ағымдағы жылдың 7 наурызы күні аудандық Достық үйінде 8 наурыз Халықаралық әйелдер күніне орай, этномәдени бірлестіктердің белсенділеріне құрмет көрсетуге арналған мерекелік іс-шара өтті. Іс-шара аясында отбасындағы толерантты тәрбие мәселелері бойынша Аналар кеңесінің отырысы өтті, онда кеңестің жаңартылған құрамы ұсынылды. Іс-шара барысында көп балалы аналар мен жалғыз басты зейнеткерлерді қолдауға бағытталған «Шашу» қайырымдылық акциясы өткізілді. Іс-шара тату-тәтті, жан-жақты және мерекелік жағдайда өтті. Барлық қатысушыларға естелік кәдесыйлар тарту етілді.

АНАЛАР КЕҢЕСІНІҢ ОТЫРЫСЫ.
Ағымдағы жылдың 12 наурызы күні аудандық Достық үйінде Отбасылардағы толеранттылық жөніндегі Аналар кеңесі өтті. Кездесуге аудандық Аналар кеңесінің төрағасы Кисамиева Р.Н. басқаруымен мүшелеріде қатысты; мемлекеттік органдардың өкілдері: білім беру бөлімі, жұмыспен қамту және әлеуметтік бағдарламаларды үйлестіру, әділет басқармасы, денсаулық сақтау орталығы.
Кездесуге қатысушылар Аналар кеңесі мен олардың жұмысының негізгі бағыттары мен міндеттерімен танысты.

АУЫЛДЫҚ ОКРУГТЕРДІҢ АНАЛАР КЕҢЕСІ ТӨРАЙЫМДАР КЕЗДЕСУ
Ағымдағы жылдың 14 наурызы күні аудандық Достық үйінде 10 ауылдық округтердің Аналар кеңестерінің төрайымдарымен кездесу өткізілді. Кездесуге аудандық Аналар кеңесінің мүшелері, ауылдық округтердің Аналар кеңесі төрайымдары, білім беру бөлімі, әділет және әлеуметтік қорғау бөлімінен қатысты. Олар отбасындағы толеранттылықты тәрбиелеу, Аналар кеңесінің негізгі міндеттері мен функцияларымен танысу мәселелерін талқылады. Кездесу отбасылық және ана болу институтының мәртебесін нығайту үшін ықыласты жағдайда өтті.

БЕЛСЕНДІ ҰЗАҚ ӨМІР СҮРУ ОРТАЛЫҒЫ
Қазақстан халқы Ассамблеясы мен «Нұр Отан» партиясының бірлескен қызметі туралы Меморандумды жүзеге асыру аясында ауданның Достық үйі жанынан «Белсенді ұзақ өмір сүру орталығы» құрылды. Осыған байланысты, ағымдағы жылдың 14 наурызында Достық үйінде ауданның этномәдени бірлестіктерінің мүшелерімен, Достық үйінің белсенділерімен, ауыл ардагерлерімен кездесу өтті. Кездесу барысында қатысушыларға ілгек тоқу, ұлттық тоқыма бұйымдарын тігу (құрақ көрпе), кулинария құпиялары және т.б. сияқты қызығушылық бойынша клубтар ұсынылды. Сонымен қатар, барлық қатысушылар спортпен айналысуға арналған дене шынықтыру - сауықтыру кешеніне бару идеясын бірауыздан қолдады. Кездесуге қатысушылардың ұсыныстары талқыланып, орталықтың іс-шаралар жоспарына енгізу үшін нақты ұсыныстар әзірленді және оған сәйкес біздің ардагерлер үшін мәдени, спорттық және өзге де іс-шаралар ұйымдастырылатын болады.

ҰЛЫСТЫҢ ҰЛЫ КҮНІ - НАУРЫЗ МЕЙРАМЫ БЕСҚАРАҒАЙ АУДАНЫНДА
Ауылдық округтерде мекемелер мен ұйымдардың қызметкерлерінің белсенді қатысуымен Наурыз мейрамын мерекелеу ағымдағы жылдың 22 наурыз күні өткізілді. Іс-шара барысында тұрғындар үшін мерекелік дастархан жайылып, қазақтың ұлттық ойындары, халықтық қолданбалы өнер көрмесі, концерттік бағдарлама және мерекелік сатылым ұйымдастырылды.

Достық үйі

Достық үйі

Достық үйі

Достық үйі

«Бесқарағай ауданының Достық үйі»
директоры М. Абылгазинова

 

Mұрағат

2018 жыл  
2017 жыл  
2016 жыл  
2015 жыл  
2014 жыл *. doc, 70 МB
Парақтар өзгертілді: 08-01-2020