Мәдениет

Кітапхана

Бесқарағай аудандық орталық кітапхананың 2019 жылдың III тоқсанында атқарылған жұмыстары

Бесқарағай аудандық кітапхана жүйесіне қарасты 19 кітапхана үлкендер мен қатар балалар мен жасөспірімдерге де қызмет көрсетеді. III тоқсан бойынша сандық көрсеткіштері:
- оқырмандар саны - 6948 адам.
- интернет- сыныпты пайдаланушылар саны – 405 адам.
- аудан кітапханаларына келушілер саны - 74415
- кітап беру – 95527 дана.
- кітап қоры - 174629 дананы құрады.
- іс-шаралар саны –381
- қатысушылар саны – 8536
Қызметтің басымды бағыты, Қазақстан Республикасы Президентінің Қазақстан халқына «Болашаққа бағдар: рухани жаңғыру», «Ұлы даланың жеті қыры» Жолдауы, «2019 – жастар жылы» тақырыптарына арналып отыр. Ауданның барлық кітапханалары осы атаулы күндерге байланысты іс-шаралар өткізуде. Кітапхана мектептер, музей, достық үйі, жастар орталығы, ардагерлер үйі, тәрбие білім орталығымен тығыз байланыста. Кітапханаларда «Жаңа Жолдау-Жаңа бағыт», «Латын әліпбиі-заман талабы», «Арман қала –Нұр - Сұлтан», «Тіл-ұлт тірегі», «Ұлы даланың жеті қыры», «Өлке тарихы», «2019- жастар жылы» ашық кітап көрмесін және «Ұлы даланың 7 қыры» стенд ұйымдастырылып, «Рухани жаңғыру», «Қазақ әліпбиінің латын қарпінде жазылуы» тақырыптық банерлер көрнекіленген.
Біз, өзінің туған күнін тойлап жатқан бас қаламыз Нұр-Сұлтанға барлық елдермен бірге «Туған күніңмен, Нұр-Сұлтан!».- деп қуанышпен айтамыз. Туған Отанына деген сүйіспеншілік пен патриоттық сезімдерін күшейту мақсатында аудандық кітапхана оқырмандармен бейне саяхат өткізді. Астананың көрікті жерлері мен тарихына тоқталды. Кітапханашылар «Гүлденіп самғай бер, астанамыз» бейне слайд арқылы бас қаланың жылдан жылға жылдам өзгеріп, гүлденіп келе жатқан келбетін және әкімшілік және мәдени мекемелерді Айтолқын Ерғалиқызы Астананың Ақорда, Бәйтерек, Хан шатыры, Пирамида тағы басқа да көрікті жерлерімен таныстырды. Балалар сонымен қатар Астана туралы фильмдер көріп тыңдады. Балалар «Арман қала – Нұр –Сұлтан» түрлі-түсті кітап көрмесімен танысты.
«Домбыра – қазақтың бренді мен паспорты, ешкімге ұқсамайтын қайталанбас келбеті, - деп Тұңғыш Президентіміз Н.Назарбаев айтқан еді. –Қазақ халқы домбыраны құрметті орында сақтап, күйшілерді құрметті қонағы ретінде жоғары бағалаған. Бұл игі іс әлі де жалғасын табуда. Аудандық кітапханада Достық үйімен бірлесе отырып домбыра күніне арналған «Қазағымның қазынасы – домбыра» атты әдеби-музыкалық қонақжай өтті. «Салтанат», «Мұңлық –Зарлық» күйлерінің шығу тарихы туралы бейнебаян көрсетілді. Әдеби сазды қонақжай қонақтары Мәдениет үйінің әншісі Мотышев Еркін, саз мектебінің әдіскері, мұғалім Каримов Айдар, этно-мәдени бірлестігінің мүшесі Қонкаева Нургайша және ең жас домбырашы Бекболат Мейрлан қазақтың белгілі күйлері мен ән, термелерін орындады. Іс-шараның соңында өнер көрсеткен қатысушыларға алғыс хат пен естелік сыйлықтар табыс етілді. Барлық кітапханалар «Абай әлемі» кітаптар топтамасындағы жазушылардың шығармаларына презентация өткізілді. Бұл аймақтық жоба «Рухани жаңғыру» бағдарламасы шеңберінде Шығыс Қазақстанмен өмір жолдары байланыста болған біздің ақын-жазушыларымыздың мәдени-әдеби мұрасын сақтап, олардың ең үздік шығармаларын болашақ ұрпақтың арасында патриоттық сезімдерін, туған жеріне деген сүйіспеншіліктерін нығайту мақсатты алдына қойған. Біз балалардың ой –өрістерін кеңейтіп, білім деңгейлерін көтеру үшін ең қызықты фактілерді айта отырып, көрсететін боламыз. Аудандық кітапхананың білім орталығында балалардың қатысуымен «Білгенге маржан» атты танымдық іс-шара-қызықты жаңалық сағаты өтті. «Тарих», «Жануарлар», «Өсімдіктер», «Әдебиет», «Мәдениет», «Ғарыш» және тағы басқа әртүрлі Қазақстан энциклопедияларынан қызықты деректер айтылды. Іс-шара балаларды отансүйгіштікке, сүйіспеншілікке тәрбиелеп, өз өлкесіне деген мақаныш, оның тарихына, мәдениетіне, дәстүрі мен тұрмысы жағдайына, Отан алдыңдағы моральдық борышын өтеу бағытталған. Іс-шараның мақсаты балалардың оқуға деген қызығушылығын арттыру және үнемі оқуды қажетсінуге, жаңа білім іздеуге, көкжиектерін кеңейтуге, білімдерін арттыру болды. Жазғы демалыста аудандық кітапхананың коворкинг орталығында балалардың шығармашылық қабілеттері мен қиялын дамыту мақсатында «Естелік жүрек» атты шеберлік сағаты өтті. Үлкен қызығушылық таныта отырып балалар қағаз, қайшы және желім көмегімен жүрек жасады. Балалар өз жұмыстарын әдемілеп, мұқият қиып, жабыстырды. Әр бала өзінің шығармашылық дарынын көрсете отырып, мерекелік жүрек жасады. Балаларға жасалған жүрек жақын адамдарға жылы сөздер, яғни, жақсылық, махаббат және бақыт тілей отырып сыйлау керектігі айтылды. Жақындарын қуанту үшін балалар өз жұмыстарын өздерімен ала кетті.
Конституция күні - бұл Қазақстан Республикасының басты мемлекеттік мерекелерінің бірі. Осы күнге орай мемлекетке және қазақ халқының тарихи өткеніне деген құрмет сезімін ояту мақсатында аудандық кітапханада Жастар ресурстық орталығымен бірлесе отырып «Ежелгі дала заңы» дилижанс – ойын сағаты өтті. Іс-шара басында кітапхана мамандары қатысушыларға еліміздің конституциялық жүйесінің тарихымен таныстырып, қазақ халқының алғашқы құқықтық құжаты, әдет –ғұрып кодексі, Тәуке ханның - «Жеті Жарғысы», Қазақстанның тұңғыш конституциясы атанған Алаш партиясының бағдарламасы және кеңестік дәуірде қабылданған заңдар мен Тәуелсіз Қазақстанның тұңғыш Конституциясы жайында айтып өтті.
Қатысушылардың білімдерін кеңейтіп, бекіту мақсатында «Адам және заң» атты екі топқа бөлінген қызықты сайыс сағаты өтті. Одан кейін әр топқа негізгі заңға байланысты тереңдетілген жағдаяттық сұрақтар қойылды.
Қатысушылар сұрақтарға өздерінің құқықтық сауаттылықтары мен белсенділіктерін көрсете отырып жауап берді. Тапсырманы дұрыс және жылдам орындаған топ жеңіске жетті. Іс-шара соңында «Елімнің басты заңы» кітап көрмесіне шолу жасалды.
Қазақстанның Тұңғыш Президенті Нұрсұлтан Назарбаев 1918 жылдың ақпан айында қазақ алфавитын латын графикасына ауыстыру туралы Жарлыққа қол қойған болатын. Латын графикасына көшу сатылап 2025 жылға дейін жүргізіледі. 10 қыркүйек күні аудандық кітапхананың білім орталығында латын қарпінде жалпықазақстандық «2019 жыл- жастар жылы» тақырыбында диктант жазуға ауылдық әкімшіліктің, жастар орталығының, спорт мектебінің, кітапхана, Мәдениет уйінің қызметкерлері қатысты. Диктант жазу бір мезгілде ауданның 19 кітапханасында өтті. Оған барлығы 530 адам қатысты. Мұндай іс-шараның басты мақсаты – латын графикасын танымал ету және толықтай енуіне азаматтарды дайындау. Аудандық орталық кітапханада тілдер мерекесіне арналған «Тіл - ұлт тірегі», «Латын әліпбиі заман талабы» тақырыптарында кітап көрмесі ұйымдастырылған. Кітап көрмесі бойынша тұғыры биік тілі бар Қазақстан елінің рухы артып, әрқашанда берекелі ел болатыны жайлы кітаптарға шолу жүргізілді. Кітап көрмесі алаш қайраткерлері Ш. Құдайбергенов, Ә. Бөкейхан, М.Жұмабаев, М.Әуезов, М.Шоқайдың тіл туралы жазған қанатты сөздерімен басталады. Кітап көрмесінде ҚР Конституциясы, Тіл туралы Заң, Ұлы ақиық ақын Абай Құнанбаевтың шығармалары, «Ана тілі» мерзімді басылымдар беттеріндегі қазақ тілін дамыту, үйрету, тілден артық қазына жоқ екенін дәлелдейтін мақалалар, мемлекеттік тілді насихаттау барысында тілдің мағынасын, мәнін ұғындырып, оны пайдалана білуді түсіндіретін сөздіктердің түрлері мен тіл үйренушілерге арналған әдістемелік құралдар қойылған. Көрмеде оқу құралдары және ғылыми әдістемелік журналдар оқырман назарына ұсынылған.

Библиотекa

Библиотекa

Библиотекa

Библиотекa

Библиотекa

Библиотекa

Аудандық кітапхана директоры Ж. Алпыспаева

 

Бесқарағай аудандық орталық кітапхананың 2019 жылдың II тоқсанында атқарылған жұмыстары

Бесқарағай аудандық кітапхана жүйесіне қарасты 19 кітапхана үлкендер мен қатар балалар мен жасөспірімдерге де қызмет көрсетеді.
II тоқсан бойынша сандық көрсеткіштері:
- оқырмандар саны - 6711 адам.
- интернет- сыныпты пайдаланушылар саны – 262 адам.
- аудан кітапханаларына келушілер саны - 64797
- кітап беру – 82891 дана.
- кітап қоры - 174629 дананы құрады.
- іс-шаралар саны –352 
- қатысушылар саны – 7792  

Қызметтің басымды бағыты, Қазақстан Республикасы Президентінің Қазақстан халқына «Болашаққа бағдар: рухани жаңғыру», «Ұлы даланың жеті қыры» Жолдауы, «2019 – жастар жылы» тақырыптарына арналып отыр. Ауданның барлық кітапханалары осы атаулы күндерге байланысты іс-шаралар өткізуде. Кітапхана мектептер, музей, достық үйі, жастар орталығы, ардагерлер үйі, тәрбие білім орталығымен тығыз байланыста. Кітапханаларда «Жаңа Жолдау-Жаңа бағыт», «Латын әліпбиі-заман талабы», «Арман қала –Нұр - Сұлтан», «Тіл-ұлт тірегі», «Ұлы даланың жеті қыры», «Өлке тарихы», «2019- жастар жылы» ашық кітап көрмесін және «Ұлы даланың 7 қыры» стенд ұйымдастырылып, «Рухани жаңғыру», «Қазақ әліпбиінің латын қарпінде жазылуы» тақырыптық банерлер көрнекіленген.
Аудандық кітапханада Үлкен –Владимировка орта мектебінің 10 сынып оқушыларының қатысумен көрнекті қоғам қайраткері, ғалым, геолог Қ.И.Сатбаевтің туғанынан 120 жыл толуына орай «Ұлы дала перзенті – Қаныш Сәтбаев» атты портрет кеші өтті. Іс –шара барысында кітапханашы слайд арқылы ғалым-геолог жайында қызықты деректер айтты. «Сәтбаев әлемі» атты деректі фильмнен К.Сәтбаевтың геологиялық зерттеулерді дамытуға, ірі мыс пен маргенец кен орындарын игеруге, марганец Жезді кен орнын бірлесіп ашуға қосқан үлесі жайында көрсетілді. Іс-шара соңында оқушыларға Қ.И.Сәтбаевтың өмірі мен қызметі жайында кітап көрмесі ұйымдастырылып, шолу жасалды.

Орыс халқының әйгілі жазушысы И.А.Крыловтың 250 жылдығына арналып «И.А.Крылов әңгімелерінің әлемінде» атты әдеби –портрет кеші өтті. Кітапханашы балаларға жазушының өмірі, шығырмашылығы жайында айта отырып, бейнебаяннан атақты аңыздарын көрсетті. Балаларға оның отбасы, ғылым мен оқуға деген зор ықыласының арқасында өз бетінше сауат ашып, хат танығаны жайында айтылды. Іс-шара барысында балалар үлкен қызығушылықпен «Цитата арқылы әңгімені тап» атты викторинаға қатысты. Іс-шара балаларға қатты ұнады, олар И.А.Крыловтың әңгімелерін, бұрын оқыған қанатты сөздерін еске түсіре отырып, бұл халықтың даналық аңыздарын түсінуге жақсы көмектестесетінің білді. Іс-шара соңында И.А.Крыловтың шығармашылығына байланысты кітап көрмесі ұйымдастырылып, шолу жасалды.
Барлық кітапханалар «Абай әлемі» кітаптар топтамасындағы жазушылардың шығармаларына презентация өткізілді. Бұл аймақтық жоба «Рухани жаңғыру» бағдарламасы шеңберінде Шығыс Қазақстанмен өмір жолдары байланыста болған біздің ақын-жазушыларымыздың мәдени-әдеби мұрасын сақтап, олардың ең үздік шығармаларын болашақ ұрпақтың арасында патриоттық сезімдерін, туған жеріне деген сүйіспеншіліктерін нығайту мақсатты алдына қойған.

Отан қорғаушылар күніне арналып, Отанды сүюге тәрбиелеу, оны қорғауға лайықты болуға ұмтылу мақсатында Борас орта – бақша мектебінің кадет сыныптарымен аудандық кітапханада «Біз болашақ сарбаздармыз» атты әскери –патриоттық сайыс өтті. «Тұлпар» және «Сұңқар» болып екі топқа бөлінген оқушылар «Мақал құрау», «Шарды жармай үрлеу», «Армрестлинг», «Дәл түсіру», «Байлаулы көзбен танк салу», «Ең үздік аспаз», «Әскери өмірден сұрақтар», «Әуенді тыңдап, әннің атын тап» шарттары бойынша сайысқа түсті. Сайыстың нәтижесі бойынша I –орынды «Сұңқар» топ басшысы М. Ворник, II- орынды «Тұлпар» тобы топ басшысы Н. Силин иеленді. Соңында әділ - қазылар алқасы аудандық кітапхана директоры Ж. Алпыспаева мен «Жас Сарбаз» тәрбие сыныбының ұстазы Б. Елюбаев жеңімпаздарды марапаттады.

Жеңіс күні біздің халқымыз үшін ең басты мерекелердің бірі. Ұлы Отан соғысы батырларының ұлы ерліктеріне алғыс айтып, құрметтеп, мақтаныш сезіммен өскелең ұрпақты патриоттыққа тәрбиелеу мақсатында аудандық кітапханада «Халық қаһармандары» жігерлендіру сабағы өтті. Кітапханашы оқушыларға биылғы жылы туғандарына 95 жыл толып отырған Кеңес Одағының Батыры С.Қ.Нұрмағамбетов пен Халық қаһарманы Рақымжан Қошқарбаев туралы әңгімелеп берді. Өмірбаяны, соғыс жылдары мен ерліктері туралы айтылған бейнефильмдер көрсетілді. «Отты жылдар елесін кітаптан оқып білесің» кітап көрмесі бойынша шолу өткізілді.                              

Аудандық кітапхана жанындағы «Білім орталығында» орталығында egov. мемлекеттік порталын сауатты пайдалану мақсатында семинар - тренинг өтті. Тренингке өзіне-өзі қызмет көрсету орталықтарына жауапты аудандық және ауылдық кітапханашылар қатысты. Бесқарағай ауданы әкімі аппаратының мемлекеттік қызметтерді мониторингілеу және ақпараттық технологиялар бөлімінің басшысы А.Искакова «Пайдаланушыларды мобильді кеңістікте тіркеу» тақырыбында оқыту-тренингін жүргізе отырып, egov.kz қызметіндегі мекен-жай анықтамасын, төлем түрлерін мобильді қосымшада қалай өткізу керектігін үйретті.

Саяси қуғын – сүргін құрбандарын еске алу күні қарсаңында аудандық кітапханада Үлкен-Владимировка орта мектебінің оқушыларымен «Алаш арыстары: соңғы сөз, соңғы сурет» тарихи керуен сағаты өтті. Қазақстан аумағындағы ең үлкен ГУЛАГ–АЛЖИР, Степлаг, Карлаг лагерлері туралы айтылды.    

1 маусым күні балаларды қорғау күні мерекесіне орай кітапханада «Балдаурен» кемесі» тақырыбында ойын-сауық бағдарламасын өткізді. Балалар «Балдаурен» кемесіне отырып «Ақ тілектер», «Достық», «Құпия аралына» саяхат жасады. Жиналған балалар «Ақ тілектер» аралында бас қосып, мерекелік ақ тілектерін жеткізді. «Достық» аралында балалар командаларға бөлініп ойындар ойнады. «Құпия аралына» келген саяхатшылар құпия сөздерді шешіп, суретін салып құпия аралдың кілтін тапты. Балалар өлең айтып, мультфильмдер көрді. Балаларға тәттілер таратылды.

Елміздің мемлекеттік рәміздерін құрметтеу, өскелең ұрпақты патриоттық сезімде тәрбиелеу мақсатында аудандық кітапханада Рәміздер күніне арналған «Желбірей бер, көк байрағым» тақырыбында іс-шара өтті. «Менің елімнің рәміздері» тақырыптық кітап көрмесі ұйымдастырылды. Мемлекеттік рәміздердің шығу тарихы, мән-мағынасы туралы балалар «Мемлекеттік рәміздер-біздің мақтанышымыз» бейне слайдын көре отырып танысты. Әрі қарай білімдерін шыңдау үшін балалармен «Менің Қазақстаным» тақырыбында интеллектуалды ойын жүргізілді.    

«Ұлы даланың жеті қыры» бағдарламасы аясында аудандық кітапхана ұйымдастырған «Үздік кітапханашы - 2019» аудандық сайысы Беген ауылында өтті. Бірінші кезеңде 18 ауылдық кітапхана қатысты. Екінші кезеңге ауылдық 7 кітапханашы өтті. Екінші кезеңге өткен кітапханашылар «Кітапханашы – рухани қазына иесі» өзін таныстыру, «Тарихты тану тағылым» өз өнерін көрсету (өлең, оқу, ән айту, монолог оқу, драмалық үзінді көрсету), «Бейне тарих беттері» сұрақтарға жауап беру «Ұмыт болған ұлт тағамдары» дастархан мәзірін дайындау - 4 түрі бойынша сайысқа түсті. 

Бас жүлдеге Малая –Владимировка ауылының кітапханашысы Дүйсебаева Сауле Елюбаевна, I - орынды Дюсембина Салима Елюбаевна (Канонерка ауылы), II – орынды Садвоқасова Анаргүл Қарсыбековна (Кривинка ауылы), III – орынды Батталова Күлпан Ерліковна (Коянбай ауылы) алды. «Өнерлі кітапханашы»номинациясы бойынша Хамитова Люция Рифхатовна (Башкөл ауылы), «Шебер кітапханашы» - Ахметова Жанат Джамбуловна (Ерназар ауылы) және «Рухани қазына иесі» номинациясы бойынша Жукина Шырын Большевиковна (Жетіжар ауылы) иеленді. Барлық кітапханашылар мақтау қағаздарымен және бағалы сыйлықтармен марапатталды.

Библиотекa

Библиотекa

Библиотекa

Библиотекa

Библиотекa

Аудандық кітапхана директоры Ж. Алпыспаева

Бесқарағай аудандық орталық кітапхананың 2019 жылдың I тоқсанында атқарылған жұмыстары.

Бесқарағай аудандық кітапхана жүйесіне қарасты 19 кітапхана үлкендер мен қатар балалар мен жасөспірімдерге де қызмет көрсетеді. I тоқсан бойынша сандық көрсеткіштері:
- оқырмандар саны - 4174 адам.
- интернет- сыныпты пайдаланушылар саны – 106 адам.
- аудан кітапханаларына келушілер саны - 33163
- кітап беру – 41148 дана.
- кітап қоры - 174629 дананы құрады. - іс-шаралар саны –168 - қатысушылар саны – 3729 
Қызметтің басымды бағыты, Қазақстан Республикасы Президентінің Қазақстан халқына «Болашаққа бағдар: рухани жаңғыру», «Ұлы даланың жеті қыры» Жолдауы, «2019 – жастар жылы» тақырыптарына арналып отыр. Ауданның барлық кітапханалары осы атаулы күндерге байланысты іс-шаралар өткізуде. Кітапхана мектептер, музей, достық үйі, жастар орталығы, ардагерлер үйі, тәрбие білім орталығымен тығыз байланыста. Кітапханаларда «Жаңа Жолдау-Жаңа бағыт», «Латын әліпбиі-заман талабы», «Арман қала -Астана», «Тіл-ұлт тірегі», «Ұлы даланың жеті қыры», «Өлке тарихы», «2019- жастар жылы» ашық кітап көрмесін және «Ұлы даланың 7 қыры» стенд ұйымдастырылып, «Рухани жаңғыру», «Қазақ әліпбиінің латын қарпінде жазылуы» тақырыптық банерлер көрнекіленген. «Рухани жаңғыру» кабинетінде «Тарихтан іздеп, жаңа бетті ашамыз» тақырыбында дөңгелек үстел өтті. Аудандық және ауылдық кітапханашылар, мәдени ұйымдастыру-шылар, мұрағат қызметкерлері қатысты. Іс-шараның мақсаты Елбасының тапсырмасында көрсетілген бағыттар бойынша жұмыстарды нығайтып, тереңдете түсу. Дөңгелек үстелге қатысушылар пікір алмасып, алдағы тұрған жұмыс жоспарларымен бөлісті. 1 наурызда Мәдениет үйінің фойе залында «Түркі әлемінің бесігі» атты иллюстрациялық кітап көрмесі ұйымдастырылды. 
«Рухани қазына» кіші бағдарламасы бойынша ауылдық кітапханалар түрлі іс-шаралар өткізді. Беген ауылдық кітапханасында «Түркі бесігі - Түркістан» тақырыбында тарихи керуен іс-шарасы өтті. Бұл жер- Қазақстанның және түркі әлемінің негізгі сәулетті де көрікті жерлері болып табылады. «Рухани Қазына» бағдарламасын насихаттау аясында оюдың шығу тарихымен таныстыра келе, оны заманауи ұлттық қолөнер бұйымдарында қолдануды үйретіп, оқушыларды халқымыздың рухани байлығын игеруге, ұлттық озық дәстүрден үлгі алуға баулу, халқымыздың ғасырдан ғасырға жалғасып келе жатқан салт-дәстүрлерін дәріптеу мақсатында «Ою-өрнек - тіршілігіміздің ажарын ашатын рухани құндылық» атты сайыс Башкөл ауылдық кітапханасында өтіп, ауыл үлкендері жас буынға қазақтың салт-дәстүрлерін дәріптеп насихаттау барысында оюды заманауи қолөнер бұйымдарында қолдануды көрсетті. Бөдене кітапханасында «Салт-дәстүр – ұлттық рухтың тайқазаны» тақырыбында оқушылар сайысы өтті. Мақсаты, қазақ ұлттық дәстүрге қатысты балалардың білімдерін бекіту, мәдениетпен салтымызды сақтауға сезім ұялатып, құрметтеу болды. Беген ауылдық кітапханасы «Күміс көмей әнші» тақырыбындағы музыкалық қонақжай өткізді. Халық әртісі Б. Төлегенованың есімі- біздің өнер тарихының бүтін бір беті болып табылады. Танымал әншінің өмірбаяны мен творчестволық жолы туралы айтылып, түскен фильмдерін тамашалап, өлеңдері тыңдалды.
Жастар жылына орай «Қазақстанның болашағы –Жастар» тақырыбында слайд презентация өтті. Іс-шара Қазақстан Республикасының Президенті Нұрсұлтан Әбішұлы Назарбаевтың қатысуымен «Тәуелсіздіктің ұрпақтары» деп аталған жастар жылының салтанатты ашылу рәсімі көрсетілген бейне фильм көрумен басталды. «Тәуелсіздік ұрпақтары», «Рухани жаңғыру: жастар жолы», «Ұлы даланың мұрагерлері жастар» деген тақырыптар бойынша аудандық кітапхана директоры Ж. Алпыспаева әңгімелеп өтті. Жастар орталығының әдіскері А. Мұқажанова өзінің сөйлеген сөзінде, жастар жылында өз еліне жасайтын жақсы жоспарлар мен идеяларды жүзеге асыруларына кең мүмкіндіктер ашылатыны жайында айтып өтті. Іс-шара барысында М. Жұмабаевтың жастарға деген мол сенімі мен үмітін жазып қалдырған «Мен жастарға сенемiн!» деген өлеңі тыңдалды.
Ауғаныстан жерінен Кеңес әскерлерінің шыққанына 30 жыл толуына және Ауған соғысында қаза тапқандарды еске алуға арналған аудандық кітапханасындағы білім орталығында интернационалист жауынгерлер мен Бесқарағай колледж студенттері қатысқан «Бәрі де есте...» тақырыптық кездесу кеші өтті. Кештін барысында тарих беттерін тыңдай отырып 1979-1989 жылдардағы ауған соғысы жайлы деректі бейне фильмі көрсетілді. «Бәрі де есте...» бөлімінде кешіміздің қонақтары Н.М. Ташиев К.С. Асылханов өздерінің бастарынан кешкен жайлары, сол кездердегі үйі, туған-туыстары туралы сағыныш ойларын тұншықтыра өздерінде ұстаған сезімдері жайлы, сонау өткен ауыр күнделікті соғыс күндері туралы әңгімелеп берді.
«Бір ел – бір кітап» акциясы аясында жалпыхалықтық оқуға ұсынылған Әбіш Кекілбаев пен Әбділдә Тәжібаевқа арналып Борас орта мектебінің 5-9 сынып оқушыларының қатысуымен «Тұғыры биік әдеби тұлғалар» атты портрет кеші өтті. Қатысушыларға қос қаламгердің өмірі мен шығармашылық қызметі жайында айтылып, олар туралы бейнебаян көрсетілді. Ә. Кекілбаевтің прозасы ертегі-аңыз тәрізді. «Аңыздың ақыры» романында , алдын ала белгілі болып отыратындай романтикалық қатал, нәзік шығыс тарихына ұқсас өмірді, үлкен тарихты ол ойлап шығарған. Әбділда Тәжібаев – қазақ әдебиетінің дамуына үлкен үлес қосқан ең беделді ақындардың бірі. Оқушылар Э. Абдрахманова, В. Парфенова, А. Киналь Әбділда Тәжібаеватың «О, туған жер», «Досыма», «Тоқтату», «Туған ел» және басқа да өлеңдерін оқыды. 
8-ші наурыз мейрамы қарсаныңда білім орталығында аналар мен әжемлерге құрмет пен қамқорлық таныту мақсатында балалармен «Сүйікті анама сыйлық» атты шеберлік сағаты өтті. Алдымен жас оқырмандар бұл мейрамның біздің елімізге қайдан келгенің және «Халықаралық әйелдер күні» деп неге аталатыны жайында білді. Одан кейін балалар өздерінің аналары мен әжелері туралы ой қозғап, құттықтау хатты қалай безендіру керектігі жайында айтты.
Экрандағы қазақ анасының бейнесін насихаттай отырып, өмір сүйгіш жоғары талант иесі, белгілі актриссаның ғасырлық – 100 жылдық мерейтойын атап өту мақсатында «Кино саласының майталманы» тақырыбында тейбл-ток өткізілді. Тейбл токтың негізгі бөлімі слайд презентация арқылы кино әртісінің өмірі мен шығармашылығы, халыққа жарқын көңіл-күй, жоғары эмоция әкелетін фильмдері көрсетілді Кейіпкердің есімі алтын әріппен қазақ кино тарихына мәңгілік жазылған. 
Төменгі сынып оқушыларымен «Павел Бажов – әйгілі уралдық ертегі жазушы» атты әдеби сағат өтті. Іс-шара жазушының өмірбаяны және шығармашылығымен таныстырудан басталды. Павел Петрович өзінің ертегілері арқылы әлемге жайықтың аңыз, сырлары мен тілін жеткізді. Әдеби сағатта балалар викторинаға белсенді қатысты және мультфильмдерден үзінділерді көріп, тау-кен мамандықтары мен минералдары туралы көп нәрсе білді. Бажовтың оқиғалары балаларды Уралда өмір сүрген адамдармен ғана таныстырып қоймай, достық, адалдық, мейірімділікке үйретіп, жақсылықты жамандықтан ажырата білуді үйретеді. 
Сандық сауаттылық деңгейді көтеру үшін, аудандық кітапханашылар білім орталығында мәдениет үйінің қызметкерлерімен «Қызметті жеңілде тез ал» деген тақырыбында тренинг өткізді. Біздің оқытуымыздың мақсаты, пайдаланушылар ЭЦҚ дұрыс пайдаланып, оның қауіпсіз сақталуы, анықтамаларды өз беттерімен алып үйренуді және басқа да қызмет түрлерін насихаттау болды. Тренингтің соңында «Қызмет түрлері» брошюралары таратылды. 

Библиотекa

Библиотекa

Библиотекa

Библиотекa

Библиотекa

Библиотекa

Библиотекa

Библиотекa

Аудандық кітапхана директоры Ж. Алпыспаева

 

 

Mұрағат

2018 жыл  
2017 жыл  
2016 жыл *. doc 79 KB
2015 жыл
2014 жыл *. doc 44 KB
2013 жыл *. doc 63 KB

Парақтар өзгертілді: 12-09-2019