Мәдениет

Тілдерді оқыту орталығы

«Бесқарағай ауданының тілдерді оқыту орталығы» КММ 2019 жылғы ІІ тоқсанынында атқарған жұмыстары туралы АҚПАРАТ

Тілдерді оқыту орталығы ағымдағы жылдың 2-тоқсанында «Рухани жаңғыру» бағдарламасы аясында бірқатар іс-шараларды атқарды. Оқытумен қатар орталықтың айлық, жылдық жоспарына сәйкес іс-шаралар ұйымдастырылып, өткізіледі.
2019 жылдың 05 сәуір күні тілдерді оқыту орталығы «English speaking club» тыңдаушыларымен «Funny starts» квест-ойынын өткізді. Квесттің мақсаты - тыңдаушылардың динамикалық белсенділігін дамыту үшін оң уәждемені қалыптастыру, ересектердің достық қарым-қатынасын нығайтуға ықпал ететін жағдайлар жасау. Тыңдаушылар командаларға бөлініп, ойын барысында әр түрлі тапсырмаларды орындады. Әсіресе спорт саласымен кіріктірілген бұл ойын түрі қызыққа толы болды. «Пазл», «Кубизм», «Сергіту жаттығуы», «Пирамида», «Шаробамс», «Кім жүйрік?» әдістері қолданылды. Соңында қорытынды шығарылып, ойын қатысушылары мақтау қағаздарымен марапатталды.
2019 жылдың 05 сәуір күні ішкі саясат, мәдениет жіне тілдерді дамыту бөлімі тілдерді оқыту орталығымен бірлесіп өзге ұлт жастары арасында «Тіл-парасат» қазақ тілінің білгірлері атты аудандық байқауын өткізді. Байқаудың мақсаты – мемлекеттік тілдің мәртебесін арттыру, сөйлеу мәдениетін арттыру болды. Байқау «Таныстыру», «Сиқырлы жәшік», «Кедергілерден өту», «Үй тапсырмасы» кезеңдерін қамтыды. Іс-шараға қызығушылықпен дайындалған қатысушылар марапатталып, Глуховка ауылдық округінің қызметкері Жукова Алина - І орынды, аудан әкімі аппаратының қызметкері Кушнаренко Светлана - ІІ орынды, орталық аудандық аурухана қызметкері Сарсенова Екатерина - ІІІ орынды иеленді. Аудандық байқауға қатысушыларға мақтау қағаздары мен сыйлықтар берілді.
2019 жылдың 13 мамыр күні Бесқарағай колледжінде Қазақстан Республикасының Білім және ғылым министірлігі Ұлттық тестілеу орталығымен ШҚО лингвистикалық орталығы бірлесе отырып, мемлекеттік қызметшілердің қазақ тілін меңгеру деңгейін анықтау мақсатында ҚАЗТЕСТ жүйесі негізінде сертификаттық және диагностикалық тестілеу өткізілді. Тестілеуге ауданның мекемелері мен ұйымдарынан мемлекеттік және басқа да санаттағы қызметшілер (А1, А2, В1, В2 деңгейлер) қатысты. Сертификаттық тестілеуден – 44 адам, диагностикалық тестілеуден – 61 адам сынақ тапсырды. Тестілеуді Астана қаласының Ұлттық тестілеу орталығы мемлекеттік тілді дамыту басқармасының сарапшылары қабылдады.
2019 жылдың 15 мамыр күні аудандық «Bіlіm ortalyǵy» кабинетінде тілдерді оқыту орталығы жанынан құрылған «English kids» клуб мүшелері арасында жоспар бойынша қорытынды емтихан алынды. Емтиханға 17 клуб мүшесі қатысты. «English kids» ағылшын клубы бойынша оқыту 4 ай жүргізілді. Оқытудың қорытындысы бойынша емтихандар алынып, ағылшын тілінде қойылым қоюмен жалғаспақ. Емтихан нәтижесі бойынша клуб мүшелеріне оқығандығын растайтын куәлік берілетін болады. 
2019 жылдың 17 мамыры күні тілдерді оқыту орталығында «English kids» клуб мүшелерінің қатысуымен ағылшын тілінде «Red riding hood» (Қызыл телпек) ертегісінің желісімен шағын ертегілік қойылым көрсетілді. Қойылымға клубтың 17 мүшесі қатысты. Әуенді сүйемелдеу және балалардың сахналық костюмді бейнесі ертегі желісін аша түсті. Қойылымның барысында қыздар қызыл телпек биін билеп, тамаша өнер көрсетті.         Соңында «English kids» клуб мүшелеріне өткізілген іс-шараға белсенді қатысқандары үшін мақтау қағаздары мен естелік сыйлықтары табысталды.
2019 жылдың маусым айынан бастап тілдерді оқыту орталығы  «English speaking club» мүшелерімен жазғы 2 айлық ағылшын тілін оқыту курсын бастады. «English Speaking Club» мүшелері қатарына 12 тыңдаушы қабылданды. Курс білім беру жүйесі «Headway», «Cambridge» жаңартылған бағдарламасы бойынша жаңа әдіс-тәсілдермен, креативті, қызықты өткізілуде. Сабақ барысында караокемен ән айту, ағылшын тілінде түрлі интерактивті ойындар ойнату арқылы қатысушыларға ағылшын тілі оқытылуда. Курс тегін ұйымдастырылды.
2019 жылдың 19 маусымы күні оқыту орталығы мемлекеттік қызметшілер күніне орай «TIL KROSIŃ» интеллектуалдық сайысын өткізді. Интеллектуалдық сайыстың мақсаты – мемлекеттік қызметшілер арасында мемлекеттік тілдің қолдану мәртебесі мен сөйлеу мәдениетін арттыру, латын графикасы негізінде қазақ әліпбиімен танысу болды. Аудандық іс-шараның қонағы ретінде спорт және дене шынықтыру бөлімінің басшысы Орынбек Балтабекович Болысбеков шақырылды. Сайысқа дербес бөлімдерден мемлекеттік қызметшілер қатысты. Интеллектуалдық сайыс «Сағаттар сөйлейді», «Шаңырақ», «Суреттер сөйлейді», «Төрт сурет бір сөз», «Санжұмбақ», «Kahoot.it», «Ән шырқайық!» кезеңдерінен құралды. Мемлекеттік қызметшілер әр кезеңде жігерлілік пен қызығушылық танытып, ішкі саясат, мәдениет және тілдерді дамыту бөлімінің бас маманы Мухамадиева Аида - І орынды, аудан әкімі аппаратының бас маманы Асылғожин Ғани – ІІ орынды, экономика және бюджетті жоспарлау бөлімінің маманы Тусупова Ардақ – ІІІ орынды иеленді. «TIL KROSIŃ» сайысына қатысқан мемлекеттік қызметшілерге мақтау қағаздары мен сыйлықтар берілді.
Алдағы 5 жылда тілдерді оқыту орталығы латын қарпінде үйретуді жүргізу тапсырмасын жоспарға енгізіп, қолға алуда. Тыңдаушылардың сабаққа қатысуы, тілді білу сапасы мен өткізілген іс-шаралары бойынша жұмыстар аса жауапкершілікпен жүргізіледі. Ол жөнінде тілдік ахуалды үнемі назарда ұстау мақсатында өткізілген іс-шаралар туралы «Бесқарағай тынысы» аудандық газетіне мақалалар жазылып, «beskaragay_til_ortalygy» инстаграмм, фейсбук парақшаларына салынып, аудан әкімінің сайтына отырғызылып тұрады.

Тілдерді оқыту орталығы

Тілдерді оқыту орталығы

Тілдерді оқыту орталығы

Тілдерді оқыту орталығы

Тілдерді оқыту орталығының директоры А.Аменова

 

«Бесқарағай ауданының тілдерді оқыту орталығы» КММ 2019 жылғы І тоқсанынында атқарған жұмыстары туралы АҚПАРАТ

Тілдерді оқыту орталығының негізгі мақсаты – жергілікті органдардың мемлекеттік қызметшілері мен басқа да санаттағы азаматтарды мемлекеттік және ағылшын тілдеріне оқыту, аударма жұмыстарын жүргізу, Тіл саясатын жүзеге асыру бағытында әртүрлі іс-шараларды ұйымдастыру.
2018-2019 оқу жылында мемлекеттік тілді оқуға 122 тыңдаушы қамтылса, оның ішінде: 26 – мемлекеттік қызметші, 96 - басқа да санаттағы,40-өзге ұлт өкілі, 39 тыңдаушы ағылшын тілінде оқып жатыр. Орталық ағымдағы жылдың 1-тоқсанында бірқатар жұмыстарды атқарды. Оқытумен қатар орталықтың айлық, жылдық жоспарына сәйкес іс-шаралар ұйымдастырылып, өткізіледі.
2019 жылдың 14-18 қаңтар аралығында тілдерді оқыту орталығы жоспарға сай мемлекеттік тілді оқитын мемлекеттік қызметшілер мен басқа да санаттағы азаматтар арасында мемлекеттік тілді оқыту бойынша аралық сынақ алды. Сынақ «ҚАЗТЕСТ» жүйесі негізінде 5 бөліктен (тыңдалым, лексика-грамматикалық, оқылым, жазылым, сөйлесім) құралды. Аралық сынаққа ауданның мекемелері мен ұйымдарынан, ауылдық округтерден қызметкерлер қатысты. Тыңдаушылар А1, А2, В1 деңгейлері бойынша өз білімдерін сынады.
2019 жылдың 29 қаңтарында оқыту орталығы Жастар жылы аясында аудан жастарымен «You have a word» ток-шоуын өткізді. Ток-шоу ағылшын тілінде ұйымдастырылып, жастар жылындағы басты міндеттер туралы талқыланды. Ток-шоу қатысушылары алғашқы ойларын «TEDxBESK» студиясынан бастап, ойларын өзге тілде еркін жеткізе алды. «FACE toFACE» әдісін қолдана отырып, жұппен жұмыс жасады. Соңында «English speking club» жастар аудандағы жастар мәселесін талқыланды. Ағылшын тілінде өткен іс-шара жастардың үштілділік саясатын да басты мақсатқа алып отыр.
2019 жылдың 13 ақпанынан бастап мектеп оқушыларына «English speaking club» негізінде ағылшын тілін оқыту курсын бастады. Аудандағы «Тілдердің үштұғырлылығын» жүзеге асыру мақсатында аудан әкімі Д.Б.Батырбаев тілдерді оқыту орталығының ұжымына ағымдағы жылға міндеттер қойды. Курс аудандық кітапхана жанынан ашылған «Білім» орталығында жүргізілетін болады. Оқыту 4 ай мерзімде, аптасына екі реттен арнайы бір сыныптың оқушыларына өткізіледі.
2019 жылдың 19 ақпан күні тілдерді оқыту орталығы базалық деңгей тыңдаушыларымен «Мамандығым - мақтанышым» атты ашық сабағын өткізді. Ашық сабақтың мақсаты – мамандық таңдау жөнінде білімдерін, түсініктерін кеңейте отырып, мамандықтарға деген ынта-ықыласын арттыру, сөздік қорларын байыту, үйренген сөздерін ауызекі тілде қолдануға машықтандыру. Қызықты өткен іс-шара тыңдаушыларға жағымды көңіл – күй сыйлады.
2019 жылдың 28 ақпан күні оқыту орталығы «Ұлы даланың көне сарындары» тақырыбында дөңгелек үстел өткізді. Дөңгелек үстелдің мақсаты - Елбасымыздың ұлт тарихының жеті кереметі мен байлығын көрсете алған мағыналы, өскелең ұрпаққа рухани-тәрбиелік маңызы жоғары мақаласын кеңінен насихаттау. Дөңгелек үстелге ШҚ облыстық тілдерді дамыту жөніндегі басқармасының ономастикалық жұмыс және талдау бөлімінің басшысы Роза Төлемісова, Шәкәрім атындағы университеттің профессоры, тарих ғылымдарының кандидаты Амантай Исин, Семей, Курчатов қалаларының, Бородулиха ауданының мәдениет және тілдерді дамыту бөлімдерінің басшылары, мамандары, аудандық әділет басқармасы, мұрағат бөлімі, жұмыспен қамту орталығы, қазпошта бөлімшесінің мамандары мен мектеп мұғалімдері қатысты. Дөңгелек үстелдің форматы «steаm» (біріктірілген тәсіл) арқылы өткізілді.
2019 жылдың 1-4 наурыз аралығында алғыс күніне орай тыңдаушылар, мекемелер мен ұйымдардағы қызметкерлермен, сондай – ақ ағылшын тілін оқып жүрген жасөспірім тыңдаушылар арасында «Алғысым көп бәріңе» акциясын ұйымдастырды. Мақсаты: үлкенге, кішіге деген сүйіспеншілігін, сыпайылық қарым - қатынасын дамыту, ризашылық пен алғыс айту болды. Акция барысында әркім өз алғыстарын білдіріп, жақсы көңіл-күйде болды. Алғыс білдірген барлық тыңдаушылар шағын бейнероликке түсіріліп, инстаграмм парақшасына салынды. Оқыту орталығының оқытушылары да өз тыңдаушыларына алғыстарын білдірді.
2019 жылдың 6 наурызы күні тілдерді оқыту орталығының ұйымдастыруымен жастар жылы құрметіне орай «Қазақстанның болашағы жастардың қолында» тақырыбында эссе жазудан байқау өткізілді. Байқаудың мақсаты – ҚР тілдерді дамыту мен қолданудың 2011-2019 жылдарға арналған мемлекеттік бағдарламасы аясында мемлекеттік тілді дамыту, қолдану аясын кеңейту және мәртебесін арттыру болды. Байқауға оқыту орталығының В1 деңгей тыңдаушылары, жалпы саны 11 адам қатысты. Эссе жазуға 50 минут уақыт беріліп, жаңа әліпби (латын қарпінде) негізінде жазылды.
2019 жылдың 19 наурызы күні тілдерді оқыту орталығы орталық алаңда «жайнау» күніне орай аудан тұрғындары арасында «Naýryz - fest» акциясын өткізді. Сондай - ақ, акцияның мақсаты латын қарпін насихаттау болып табылды. Қызығушылықпен кіріскен тұрғындар викториналық сұрақтарға жауап беріп, түрлі ынталандыру сыйлықтарына ие болды.Акция барысында қатысушылар наурызкөже мен баурсақтан дәм татып, қызыққа бөленді.
2019 жылдың 29 наурызы күні ШҚ лингвистикалық орталығы ересектерге мемлекеттік тілді оқытып жүрген, шығармашылықпен жұмыс жасайтын кәсіби шебер оқытушыларды анықтау мақсатында А.Байтұрсынұлы атындағы облыстық конкурсын өткізді. Облыстық «Үздік оқытушы» конкурсына Бесқарағай ауданының тілдерді оқыту орталығының оқытушысы Утепова Толқын қатысып, алғысхатпен марапатталды.
Тыңдаушылардың сабаққа қатысуы мен білім сапасы, өткізілген іс-шаралары бойынша жұмыстар аса жауапкершілікпен жүргізіледі. Ол жөнінде тілдік ахуалды үнемі назарда ұстау мақсатында өткізілген іс-шаралар туралы «Бесқарағай тынысы» аудандық газетіне мақалалар жазылып, «beskaragay_til_ortalygy» инстаграмм, фейсбук парақшаларына салынып, аудан әкімінің сайтына отырғызылып тұрады.

Тілдерді оқыту орталығының директоры А.Аменова

Тілдерді оқыту орталығы

Тілдерді оқыту орталығы

Тілдерді оқыту орталығы

Тілдерді оқыту орталығы

 

 

Mұрағат

2018 жыла  
2017 жыла  
2016 жыла  
2015 жыла  
2014 жыла  
2013 жыла *. doc,74 Кб

 

Парақтар өзгертілді: 20-06-2019