Мәдениет

Тілдерді оқыту орталығы
Кітапхана
Достық үйі

 

Бесқарағай аудандық ішкі саясат, мәдениет және тілдерді дамыту бөлімінің мәдениет саласы бойынша 2019 жылдың 1 тоқсан бойынша есебі

Ауданда 25 мәдени ұйым қызмет атқарады, оның ішінде: аудандық Мәдениет үйі, 3 ауылдық клубы, 19 кітапхана, 1 коворкинг орталығы. Бесқарағай, Канонерка, Малая-Владимировка ауылдық кітапханаларында ауыл тұрғындарына ақпараттық қолдау көрсететін Онлайн-орталығы орналасқан және «Өзіне-өзі қызмет көрсету» бұрыштары жұмыс жасайды. Орталықтарда «Кітапхана-халыққа қызмет көрсету орталығы» тақырыбында семинар-тренинг өтті. Аудандық кітапханада кітап көрмелері, фотосурет көрмелері, әдеби кештер, интернет - тренингтер, фильмдер көру апта сайын өтеді.
Кітапхананың негізгі міндеті қоғамның ақпарат мәдениеті, оқуға, тілге, отандық тарихқа және мәдениетке тұрақты қызығушылықты таныту.
2018 жылдың 14 маусым күні Елордамыз Астананың 20 жылдық мерей тойы қарсаңында аудандық кітапханасының жаңында коворкинг-орталық ашылды. Коворкинг орталығы аудандық орталық кітапхана оқырмандары үшін жалғыз да ұжыммен де (төрт адамға дейін) жұмыс істеуге арналған жеке жұмыс орны болып келетін жеке пайдаланушы орнын құру мақсатында құрылған.
Бесқарағай аудандық орталықтандырылған кітапхана жүйесі» КММ бөлімінде 19 кітапхана жұмыстар істейді, олар: Бесқарағай ауылында аудандық орталық кітапхана және ауылдық кітапханалары Канонерка, Малая - Владимировка, Башкөл, Қарағайлы, Глуховка, Долон, Мостик, Бөдене, Қара- Мырза, Беген, Қарабас, Өндіріс, Жетіжар, Лесной, Кривинка, Ерназар, Қоянбай, Бозтал ауылдарында.
Қазақстан Республикасының мәдени саясатының тұжырымдамасын іске асыру жөніндегі 2015- 2019 жылдарға арналған іс-шаралар жоспарын орындау барысында:
- аудандық орталық кітапханаға ИРБИС бағдарламасы енгізілді;
- Электрондық үкімет порталының көпшілік қол жеткізу орнының жұмысы дамытылуда;
- аудандық орталық кітапханада және Бесқарағай, Канонерка және Малая - Владимировка ауылдық кітапханаларында Онлайн- орталығының халыққа қызмет көрсету аясын кеңейту жұмыстары жалғасуда. Онлайн орталықта тұрғындарға жаңа технологияны түсіндіруде тегін курстар өткізілуде.
«Кітапханадағы түн» акциясы аясында жыл сайын мәдени іс- шаралар кешені барлық жас санаттары үшін ертеңгіліктер, поэзия кештері өтеді. Кітап қорын қоғамның ақпарат мәдениетіне, оқуға тұрақты қызығушылығына, тіліне, отандық тарихы мен мәдениеті бағытына байланысты толықтырылады.
Кітапхана имиджін көтеру мақсатында басқа аудандар өкілдерінің қатысуымен аймақтық іс- шаралар, семинарлар өткізіледі.
2019 жылдың 1 тоқсаны ішінде оқырмандар саны – 4174, кітапханаға бару – 33163, кітап беру – 41148 дана, кітап қоры – 174629 дана. Жалпы, әлеуеттің таралуы жетерліктей жоғары, бұған дәлел мәдени қызметтер қоданылуының тұрақты өсуі, кітапхананың тұрақты оқырмандар саны өсті. Негізгі басым бағыттар бойынша 223 мәдени іс-шара өткізілді.
Жастардың патриоттық тәрбиесі, ұлттық дәстүрлері мен мәдениеті бойынша белсенді түрде жұмыстар атқарылуда.
2019 жылда аудан аумағында өткізілетін барлық іс-шаралар Қазақстандағы «Жастар жылына», Кеңес әскерлерінің Ауғанстан жерінен шығарылғанына 30 жылдығына, «Нұр Отан» партиясының құрылуының 20 жылдығына, қазақтың ұлы күйші-композиторы, аспапты музыка өнерінің классигі - Құрманғазы Сағырбайұлының 200 жылдығына, тел өскен сталиндік зобалаңның құрбандары, артына өшпес рухани мұра қалдырған қазақтың ақиық ақыны, қоғам қайраткері - Ілияс Жансүгіровтың 125 жылдығына, ауызша әңгіменің хас шебері, сатирик-жазушы - Бейімбет Майлиннің 125 жылдығына, жалынды ақын, жазушы, дарынды драматург - Сәкен Сейфуллиннің 125 жылдығына арналады. Барлық мәдени мекемелерде өткен іс-шаралар (концерттік бағдарламалар, театр қойылымдары, кино көрсетілімдері, кітап көрмесі, әдеби және музыкалық шығармалар, тақырыптық кештер және т.б.) осы атаушы күндерге арналды.
Аудан аумағында 7 жергілікті маңызы бар тарихи мәдени ескерткіштер тіркелген. Аудан бойынша жеке меншікте тарихи мәдени ескерткіштер жоқ.
Бесқарағай ауданындағы тарихи- мәдени мұра ескерткіштері жағдайының алдағы уақытта жақсару жұмыстары үнемі бақылауда.
Бүгінгі күні ауданның мәдениеті мен тарихи ескерткіштерінде жаңа мемориалдық тақташаларды орналастыру, қорғау, жаңғырту, күзет, мәдени нысандарын сақтауға байланысты жұмыс кешендерін жүргізу қажет.
Жөндеу, көгалдандыру жұмыстарын жүргізу барысында үнемі «Таза жұма», сенбіліктер өткізіледі.
Аудандағы іс-шаралар орталық алаңда, спорт алаңында, аудандық Мәдениет үйінде, ауылдық клубтарда, Достық үйінде, ауданеың кітапханаларында, Коворкинг орталықтарында жыл көлемінде өткізіледі. Аудан тұрғындары мен қонақтары аудан аумағында өткізілетін іс-шараларға белсене қатысады. Мәдени-бұқаралық іс-шаралар әзірленуі барысында Бесқарағайлықтардың барлық жас санаттары мен негізгі артықшылықтары әрдайым еске алынады. Бесқарағайлықтар өткізілген іс-шара туралы өз пікірін қалдыратын әлеуметтік желілер барынша белсенді пайдаланылады.
Мәдени саясат ұлттық бірлікті қалыптастырудағы тиімді құрал болып табылады. Ол мемлекеттік қолдау арқылы қоғамда мәдени өмір процестеріне және азаматтарды тәрбиелеуде мәдениет құралдары арқылы жүзеге асырылады.

Дом дружбы

Дом дружбы

Дом дружбы

Дом дружбы

Дом дружбы

Ішкі саясат, мәдениет және
тілдерді дамыту бөлімі басшысы А.Калтаева

Mұрағат

2018 жыл  
2017 жыл *. doc 29 KB
2016 жыл *. doc 29 KB
2015 жыл *. doc 75 KB
2013 жыл *. doc 40 KB
2012 жыл *. doc 53 KB
2011 жыл *. doc 31 KB
Парақтар өзгертілді: 26-04-2019